Вид на Flame Towers в Баку, фото из архива - Sputnik Azərbaycan, 1920
PAYTAXT XƏBƏRLƏRİ
Bakının bütün vacib xəbərləri ilə buradan tanış ola bilərsiniz

Aşura günü kim qan verə bilər?

© Sputnik / Murad OrujovAşura günü Mərkəzi Qan Bankında qan vermə kampaniyası, 19 Avqust 2021-ci il
Aşura günü Mərkəzi Qan Bankında qan vermə kampaniyası, 19 Avqust 2021-ci il - Sputnik Azərbaycan, 1920, 05.08.2022
Xəbərlərə abunə olun
Yandex newsTelegram
Avqustun 8-i Məhərrəm ayının 10-u, yəni Aşura günüdür. Ənənəvi olaraq, Azərbaycanda Aşura günündə qanvermə aksiyası keçirilir. 18-65 yaşarası, çəkisi minimum 50 kq olan sağlam şəxslər qan verə bilər.
BAKI, 5 avqust — Sputnik. Çəkisi minimum 50 kq olan, 18-65 yaş arası, sağlam şəxslər qan verə bilər.
Mərkəzi Qan Bankının müdiri Qumral Ələkbərova bildirib ki, qanvermədən əvvəl donor ac olmamalı, ən az 2 saat əvvəl dəmir və proteinlə zəngin qidalar qəbul etməlidir:
"Qan verən şəxs kifayət qədər su içməlidir. Bununla yanaşı ağır fiziki fəaliyyətdən çəkinməli, yaxşı istirahət etməlidir. Həmçinin ən azı 1 saat əvvəl siqaret çəkməməlidir".
Q.Ələkbərova "Report"a açıqlamasında bildirib ki, qan verdikdən sonra mütləq şəkildə bol maye qəbul etmək lazımdır: "Qan verdikdən sonra ən azı 2 saat ərzində siqarət çəkilməməlidir. Eyni zamanda qola yapışdırılmış bandajı 2 saat saxlamaq lazımdır. Uzun müddət ayaqüstə qalmaq məsləhət görülmür. Ağır fiziki işlərlə məşğul olmaq və eyni zamanda qan verilən qolla ağır yük qaldırmaq olmaz. Donorlar qan verdikləri gün bədəni həddən artıq yoran, maye itkisinə yol açan və təzyiqin aşağı düşməsinə zəmin yaradan (sauna, hamam və s.) fəaliyyətlərdən uzaq durmalıdırlar"
Qeyd edək ki, avqustun 8-i Məhərrəm ayının 10-u, yəni Aşura günüdür. Ənənəvi olaraq, Azərbaycanda Aşura günündə qanvermə aksiyası keçirilir. Bu il Aşura günündə qanvermə aksiyalarının keçiriləcəyi ünvanlar aşağıdakılardır:
Bakı şəhəri üzrə:
Xəzər rayonu Mirmövsüm Ağa Ziyarətgahı
Nəsimi rayonu Göy məscidin (Əjdərbəy) mərasim zalı
Nizami rayonu "Şah Abbas" məscidi
Səbail rayonu Bibiheybət məscid ziyarətgahı
Suraxanı rayonu Qaraçuxur məscidi
Yasamal rayonu "Təzə Pir" məscidi
Mərkəzi Qan Bankının Gəncə, Lənkəran, Sumqayıt, Mingəçevir, Şəki, Şirvan, Bərdə və Quba bölmələri.
Beləliklə, ümumilikdə, qanvermə aksiyaları 6 məscid və ziyarətgahda, habelə 8 səhiyyə müəssisəsində həyata keçiriləcək.
Xəbər lenti
0