Вид на Flame Towers в Баку, фото из архива - Sputnik Azərbaycan, 1920
PAYTAXT XƏBƏRLƏRİ
Bakının bütün vacib xəbərləri ilə buradan tanış ola bilərsiniz

Narkotik vasitənin təsiri altında avtomobil idarə edən şəxslər saxlanılıb

© Photo : Ministry of Internal Affairs (Azerbaijan)PPX
PPX - Sputnik Azərbaycan, 1920, 29.07.2022
Xəbərlərə abunə olun
Yandex newsTelegram
Qanun pozuntusuna yol vermiş şəxs sürücülük hüququndan məhrum edilib.
BAKI, 29 iyul — Sputnik. Daxili İşlər Nazirliyinin (DİN) Baş Dövlət Yol Polisi İdarəsi əməkdaşlarının keçirdikləri tədbirlərlə iyulun 27-də Bakı-Quba yolunun 9-cu kilometrliyində yerləşən daimi postda Ağsu rayon sakini Qəzənfər Kazımovun idarə etdiyi "BMW" və Abşeron rayon sakini Nicat Məhərrəmovun sürdüyü "İsuzu" markalı avtomobillər saxlanılıb.
DİN-in məlumatına görə, polis əməkdaşları tərəfindən hər iki sürücünün narkotik vasitə qəbul etməsi müəyyənləşdirilib.
Q.Kazımov barəsində İnzibati Xətalar Məcəlləsinin 333.1-ci, N.Məhərrəmov barəsində isə 327-ci və 333.4-cü maddələri ilə protokollar tərtib olunub və onlar Binəqədi Rayon Polis İdarəsinin 40-cı polis bölməsinə təhvil veriliblər.
Binəqədi Rayon Məhkəməsinin qərarı ilə Q.Kazımov səkkiz gün müddətinə inzibati həbs, N.Məhərrəmov isə 20 gün müddətinə inzibati həbs və iki il müddətinə sürücülük hüququndan məhrum edilib.
Faktla bağlı rayon polis idarəsində araşdırma aparılır.
Xatırladaq ki, bir müddət öncə də bənzər hadisə baş vermişdi. Belə ki, narkotikin təsiri altında avtomobil idarə edən sürücü və sərnişinlər saxlanılmışdı.
Xəbər lenti
0