Вид на город Ханкенди, фото из архива - Sputnik Azərbaycan, 1920
QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Azərbaycan və Ermənistan liderlərinin görüşü ilə bağlı danışıqlar gedir

© Photo : European Union Azərbaycan və Ermənistan liderləri
 Azərbaycan və Ermənistan liderləri - Sputnik Azərbaycan, 1920, 26.07.2022
Xəbərlərə abunə olun
Yandex newsTelegram
Ermənistan parlamentinin xarici əlaqələr komissiyasının rəhbəri bildirib ki, liderlərin görüşünün keçirilməsi ilə bağlı danışıqlar gedir, lakin konkret tarix deyə bilməz.
BAKI, 26 iyul — Sputnik. Azərbaycanın və Ermənistanın rəsmi nümayəndələri iki ölkə liderlərinin görüşü ilə bağlı danışıqlar aparırlar. Bu barədə Ermənistan parlamentinin xarici əlaqələr komissiyasının rəhbəri, hakim "Vətəndaş müqaviləsi" partiyasının idarə heyətinin üzvü Eduard Ağacanyan keçirdiyi brifinqdə bildirib.
"Mən bildiyimə görə, liderlərin görüşünün keçirilməsi ilə bağlı danışıqlar gedir, lakin konkret tarix deyə bilmərəm", - o deyib.
Azərbaycan Prezidenti İlham Əliyev və Ermənistan Baş naziri Nikol Paşinyan sonuncu dəfə mayın 22-də Brüsseldə Avropa İttifaqı Şurasının rəhbəri Şarl Mişelin vasitəçiliyi ilə iki ölkə arasında münasibətlərin normallaşdırılmasına dair danışıqlar aparıblar.
Mayın 23-də dövlət başçıları sərhədlərin delimitasiyası və təhlükəsizliyi üzrə komissiyaların yaradılması haqqında fərmanlar imzalayıblar. Azərbaycan tərəfindən komissiyaya Şahin Mustafayev, Ermənistan tərəfindən isə komissiyaya Mqer Qriqoryan rəhbərlik edir. Komissiyaların ilk iclası mayın 24-də iki ölkənin sərhədində baş tutub.
İyulun 25-də Amerika Birləşmiş Ştatlarının Dövlət katibi Entoni Blinken Azərbaycan Respublikasının Prezidenti İlham Əliyevə zəng edib.
Prezident İlham Əliyev Tbilisidə Azərbaycan və Ermənistan xarici işlər nazirlərinin görüşünün keçirilməsini iki ölkə arasında sülh müqaviləsi üzrə danışıqların başlanması istiqamətində ilk addım kimi qiymətləndirib.
Dövlətimizin başçısı bildirib ki, Azərbaycan artıq sülh müqaviləsinin hazırlanması üzrə öz komissiyasının tərkibini formalaşdırıb və Ermənistan tərəfindən də eyni addımın atılmasını gözləyir.
Xəbər lenti
0