Ukrayna ilə sərhədə yaxın magistralda Rusiya hərbi texnikası koloniyası - Sputnik Azərbaycan, 1920, 28.02.2022
RF-in Donbasın müdafiəsi üzrə xüsusi əməliyyatı
Rusiya Prezidenti Vladimir Putin 2022-ci il fevralın 24-də rusiyalılara müraciətdə "Donbasda xüsusi əməliyyat keçirilməsi" barədə qərar qəbul etdiyini bildirib.

Rusiya MN: Ukrayna Hərbi Dəniz Qüvvələrinə məxsus iki desant kateri məhv edilib

© Odessa City Council Telegram channel / AFPUkrayna yanğınsöndürənləri katerdə yanğını söndürürlər
Ukrayna yanğınsöndürənləri katerdə yanğını söndürürlər - Sputnik Azərbaycan, 1920, 25.07.2022
Xəbərlərə abunə olun
Yandex newsTelegram
Dnepr sularında Ukrayna diversiya qrupunun yüksək sürətli desant gəmisindən Xerson vilayəti ərazisinə irəliləmək və enmək cəhdinin qarşısı alınıb.
BAKI, 25 iyul — Sputnik. Rusiya hərbçiləri yüksək dəqiqlikli uzaqmənzilli silahlarla Ukrayna Silahlı Qüvvələrinin Boqdanovtsı kəndində Amerikanın HIMARS reaktiv yaylım atəş sistemləri və M777 haubitsaları üçün döyüş sursatlarının bazasını məhv ediblər. Bu barədə Rusiya Federasiyasının Müdafiə Nazirliyi məlumat yayıb.
Bundan əlavə, Dnepr sularında Ukrayna diversiya qrupunun yüksək sürətli desant gəmisindən Xerson vilayəti ərazisinə irəliləmək və enmək cəhdinin qarşısı alınıb.
"Nəticədə Ukrayna Hərbi Dəniz Qüvvələrinə məxsus təxribatçıların olduğu iki desant kateri məhv edilib", - Rusiya Müdafiə Nazirliyinin bəyanatında deyilir.
Həmçinin, Konstantinovka kəndində Rusiya Aerokosmik Qüvvələrinin dəqiq idarəolunan silahlarının Ukrayna Silahlı Qüvvələrinin 95-ci desant-hücum briqadasının müvəqqəti dislokasiya nöqtəsinə endirdiyi zərbə nəticəsində, 100 ukraynalı hərbçi və xarici muzdlu məhv edilib.
Bundan əvvəl Rusiya Silahlı Qüvvələrinin Kanatovo hərbi aerodromunda Ukrayna Silahlı Qüvvələrinə məxsus təyyarəni vurduğu bildirilirdi.
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb. RF Prezidenti Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Onun sözlərinə görə, bunun üçün "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Xəbər lenti
0