https://sputnik.az/20220715/baki-sumqayit-qatarinin-suselerini-sindiranlar-saxlanildi-444018000.html

Bakı-Sumqayıt qatarının şüşələrini sındıranlar saxlanıldı

Bakı-Sumqayıt qatarının şüşələrini sındıranlar saxlanıldı

Sputnik Azərbaycan

Qatara daş ataraq maddi ziyan vuranların azyaşlılar olduğu müəyyən edilib. 15.07.2022, Sputnik Azərbaycan

2022-07-15T13:39+0400

2022-07-15T13:39+0400

2022-07-15T13:59+0400

qatar

paytaxt xəbərləri

bakı-sumqayıt

https://cdnn1.img.sputnik.az/img/42160/17/421601761_0:208:2000:1333_1920x0_80_0_0_606492e8b9daa40a9f996e0f539b2a67.jpg

BAKI, 15 iyul — Sputnik. Bakı-Sumqayıt xətti ilə hərəkət edən sürət qatarı Sabunçu rayonu Bakıxanov qəsəbəsi ərazisində hərəkətdə olan zaman nəqliyyat vasitəsinə kənardan daş atılıb.Bu barədə Daxili İşlər Nazirliyindən məlumat verilib.Bildirilib ki, nəticədə vaqonlardan birinin şüşəsi qırılıb və sərnişinlərin həyatı üçün real təhlükə yaranıb.Eyni zamanda bu hal qatarın hərəkətində gecikməyə səbəb olub. Məlumat daxil olan kimi Dəmiryolu Nəqliyyatında Polis İdarəsinin Sabunçu Xətt Polis Şöbəsinin əməkdaşları tərəfindən hadisəni törədən şəxslərin axtarışlarına başlanılıb. Həyata keçirilən tədbir nəticəsində qeyd edilən hadisəni törədən şəxslər müəyyən edilərək saxlanılıblar.Qatara daş ataraq maddi ziyan vuran, həmçinin sərnişinlər arasında ciddi narahatçılığına səbəb olanlar yetkinlik yaşına çatmayan şəxslər olduğundan onlar valideynləri ilə birlikdə Sabunçu Xətt Polis Şöbəsinə gətiriliblər.Burada həmin şəxslərdən valideynlərinin iştirakı və razılığı ilə izahat alınıb. Polis əməkdaşları tərəfindən qeyd edilən hadisəni törədən şəxslərin valideynləri ilə profilaktik söhbətlər aparılıb və onların diqqətinə övladları üzərində nəzarəti daha da gücləndirməyin vacib olduğu çatdırılıb.Faktla bağlı Dəmiryolu Nəqliyyatında Polis İdarəsinin Sabunçu Xətt Polis Şöbəsində araşdırmalar davam etdirilir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2022

xəbərlər

ru_AZ

qatar, bakı-sumqayıt