Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya taxılla bağlı Ukrayna və Türkiyə ilə danışıqlara hazırdır - Lavrov

© Sputnik / Murad OrujovRusiyanın xarici işlər naziri Sergey Lavrov, arxiv şəkli
Rusiyanın xarici işlər naziri Sergey Lavrov, arxiv şəkli - Sputnik Azərbaycan, 1920, 08.07.2022
Abunə olmaq
Rusiyalı nazir bildirib ki, təklif olunan sxem hərbi dəniz qüvvələrinin istifadəsini nəzərdə tutur.
BAKI, 8 iyul — Sputnik. Rusiya Ukrayna taxılının ixracı ilə bağlı Ukrayna və Türkiyə ilə danışıqlara hazırdır. Bu barədə Rusiyanın xarici işlər naziri Sergey Lavrov Balidə jurnalistlərə açıqlamasında bildirib.
"Biz ukraynalı və türkiyəli həmkarlarımızla danışıqlara hazırıq. Bizim bütün həll yollarımız var: əgər söhbət Ukrayna taxılından gedirsə, Ukrayna öz limanlarını blokdan çıxarmalı, onları təmizləməli və ya minalanmış sahələrdən təhlükəsiz keçidi təmin etməlidir. Artıq Ukraynanın ərazi dənizindən kənarda isə Rusiya və Türkiyə müvafiq gəmilərin təhlükəsizliyini təmin etməyə, onları boğazlara çatdırmağa hazırdırlar. Daha sonra isə bu gəmilər Aralıq dənizinə özləri gedəcəklər", - deyə nazir qeyd edib.
O qeyd edib ki, bu məsələdə əsas rolu hərbçilər oynayırlar, çünki təklif olunan sxem hərbi dəniz qüvvələrinin istifadəsini nəzərdə tutur.
"Danışıqların nə vaxt davam edəcəyini deyə bilmərəm, bir neçə gündür ki, Moskvada deyildim. Amma təsdiq edə bilərəm ki, biz həmişə hazırıq", - deyə nazir əlavə edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0