Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

RF XİN COVID məhdudiyyətləri götürüldükdən sonra ölkəyə giriş qaydalarına aydınlıq gətirib

© Sputnik / Владимир БарановRusiya Xarici işlər Nazirliyinin binası, arxiv şəkli
Rusiya Xarici işlər Nazirliyinin binası, arxiv şəkli - Sputnik Azərbaycan, 1920, 07.07.2022
Xəbərlərə abunə olun
Yandex newsTelegram
Bu il iyulun 15-dən əcnəbi vətəndaşların Rusiyaya girişi proseduru praktiki olaraq "pandemiyadan əvvəlki" prosesə qayıdacaq, lakin bəzi tələblər qalacaq.
BAKI, 7 iyul — Sputnik. Anti-COVID məhdudiyyətləri ləğv edildikdən sonra Rusiyaya daxil olmaq üçün əcnəbilərə hələ də pasport, viza və mənfi PZR testi lazımdır. Bu barədə Rusiya Xarici İşlər Nazirliyindən RİA Novosti-yə məlumat verilib.
Koronavirus infeksiyasının Rusiya Federasiyası ərazisinə daxil olmasının və yayılmasının qarşısının alınması üzrə Operativ Qərargah epidemiya ilə əlaqədar Rusiya Federasiyasının dövlət sərhədindən keçidə qoyulmuş müvəqqəti məhdudiyyətlərin ləğvi barədə qərar qəbul edib.
Bu il iyulun 15-dən etibarən əcnəbi vətəndaşların Rusiyaya girişi proseduru praktiki olaraq "pandemiyadan əvvəlki" prosesə qaytarılacaq (Rusiya Federasiyasına daxil olmaq üçün nəzərdə tutulan kateqoriyalar, giriş səbəbləri, habelə Rusiya Federasiyasına daxil olması planlaşdırılan buraxılış məntəqələri üzrə məhdudiyyət qoyulmadan): şəxsiyyəti təsdiq edən etibarlı sənədlər və Rusiya vizası əsasında (zəruri hallarda).
Rusiya XİN-də qeyd ediblər ki, "bu zaman Rusiyaya daxil olan xarici vətəndaşların (hava nəqliyyatı vasitəsilə gələn Belarus vətəndaşları istisna olmaqla) polimeraz zəncir reaksiyası (PZR) üsulu ilə COVID-19 üçün laboratoriya testinin mənfi nəticəsini təsdiq edən tibbi sənədlərin təqdim edilməsi tələbi qüvvədə qalır".
Bundan əlavə, XİN qeyd edib ki, "bu il iyulun 15-dən Rusiya vətəndaşlarının Rusiya dövlət sərhədindən yerüstü buraxılış məntəqələri vasitəsilə Rusiya Federasiyası ərazisindən kənara çıxışına qoyulan məhdudiyyətlər də aradan qaldırılır".
Xəbər lenti
0