Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Kalininqrada tranzitin qadağan olunmasına cavab çox sərt olacaq - Medvedev

© Sputnik / Екатерина Штукина / Mediabanka keçidDmitri Medvedev
Dmitri Medvedev - Sputnik Azərbaycan, 1920, 27.06.2022
Abunə olmaq
RF TŞ sədr müavini bildirib ki, hazırda Litva siyasətçiləri rəğbət qazanmağa çalışır, vətəndaşlar isəbirtəhər sağ qalmağa çalışırlar.
BAKI, 27 iyun - Sputnik. Rusiyanın Kalininqrad vilayətinə malların tranzitinə qoyulan qadağaya reaksiyası çox sərt olacaq, onların əhəmiyyətli bir hissəsi iqtisadi xarakter daşıyır və Baltikyanı qonşulara "oksigeni bağlamağa qadirdir". Belə bir açıqlama ilə Rusiya Təhlükəsizlik Şurasının sədr müavini Dmitri Medvedev “Arqumentı i faktı” qəzetinə müsahibəsində çıxış edib.

“Təbii ki, Rusiya cavab tədbirləri görəcək və onlar çox sərt olacaq”, - deyə o bildirib.

Medvedevin sözlərinə görə, imkanların əhəmiyyətli hissəsi iqtisadi xarakter daşıyır və “düşməncəsinə hərəkət edən Baltikyanı qonşularımıza oksigeni kəsməyə qadirdir”.
O bildirib ki, həmçinin, Moskva münaqişənin kritik eskalasiyasına səbəb olacaq asimmetrik tədbirlər tətbiq edə bilər:
“Belə bir eskalasiya pis seçimdir. Və bundan əziyyət çəkirlər - həyat səviyyəsi onsuz da çox yaxşı deyil. Avropa standartlarına görə isə Litvanın adi vətəndaşları sadəcə dilənçilikdədirlər. Litva siyasətçiləri rəğbət qazanmağa çalışır, vətəndaşlar isə bu absurd teatrında birtəhər sağ qalmağa çalışırlar. Lakin hər ikisi getdikcə bunun öhdəsindən daha pis gəlir”.
Xatırladaq ki, Avropa İttifaqı aprelin əvvəlində Rusiya Federasiyasında qeydiyyatdan keçmiş yük maşınlarının Avropa ölkələrinə buraxılmasını dayandırıb.
Bununla belə, Kalininqrad vilayətinə malların tranziti üçün istisna edilib. Hazırda Litvanın elan etdiyi qadağa Aİ sanksiyalarına məruz qalan malların bütün yük tranzitinə şamil edilir.
Litva Dəmir Yolları bundan əvvəl Kalininqrad Dəmir Yollarını iyunun 18-dən etibarən Aİ sanksiyalarına məruz qalan bir sıra yüklərin tranzitini dayandırması barədə xəbərdar etmişdi.
Rusiya Xarici İşlər Nazirliyinin sözçüsü Mariya Zaxarova bildirib ki, Litva belə bir qərar qəbul edərək aqressiv hərəkət edir və qeyri-dost xətlərdən kənara çıxıb.
Avropa İttifaqının Rusiyadakı səfiri Markus Ederer tranzit məhdudiyyətlərinə görə Xarici İşlər Nazirliyinə çağırılıb. Söhbət zamanı Rusiya tərəfi dərhal Kalininqrad tranzitini bərpa etməyi tələb edib, əks halda cavab tədbirləri görüləcək.
Litva hakimiyyəti tranzit sazişinin pozulmasını inkar edir və yalnız Aİ sanksiyalarına əməl etdiklərini iddia edir. Ölkənin prezidenti Gitanas Nauseda bildirib ki, Vilnüs Kalininqrad vilayətinə yüklərin tranziti məsələsində Rusiyaya güzəştə getməyəcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0