Вид на город Ханкенди, фото из архива - Sputnik Azərbaycan, 1920
QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Azad edilmiş ərazilərdə elektrik doldurma məntəqələri qurulacaq - Tariflər müəyyənləşir

© Sputnik / Kirill Kallinikov / Fotobanka keçməkElektrik maşın
Elektrik maşın - Sputnik Azərbaycan, 1920, 22.06.2022
Xəbərlərə abunə olun
Yandex newsTelegram
Tədbirlər Planına əsasən Energetika Nazirliyi "Azərenerji" ASC ilə birlikdə Laçın-Kəlbəcər rayonlarında külək elektrik stansiyasının tikintisini təmin etməlidir.
BAKI, 22 iyun — Sputnik. Azad edilmiş ərazilərdə nəqliyyat vasitələri üçün elektrik doldurma məntəqələri quraşdırılacaq.
Bu, Nazirlər Kabinetinin bu gün təsdiqlədiyi "Azərbaycan Respublikasının işğaldan azad edilmiş ərazilərində 2022-2026-cı illərdə "yaşıl enerji" zonasının yaradılması üzrə Tədbirlər Planı"nda əksini tapıb.
Tədbirlər Planına əsasən, İqtisadiyyat Nazirliyi "Energetika Nazirliyi, Rəqəmsal İnkişaf və Nəqliyyat Nazirliyi SOCAR, "Azərenerji" ASC, "Azərişıq" ASC ilə birlikdə 2022-2026-cı illərdə nəqliyyat vasitələri üçün elektrik doldurma məntəqələrinin quraşdırılmasının dəstəklənməsini təmin etməlidir.
Həmçinin azad olunmuş ərazilərdə "yaşıl enerji"yə dair tariflər müəyyənləşəcək. Tədbirlər Planına əsasən, İqtisadiyyat Nazirliyi Energetika Nazirliyi ilə birlikdə 2022-2024-cü illər ərzində azad olunmuş ərazilərdə "yaşıl enerji"yə dair tarif tənzimlənməsinə dair təklifləri hazırlamalı və təsdiq etməlidir.
Laçın-Kəlbəcər rayonlarında külək elektrik stansiyası tikiləcək. Tədbirlər Planına əsasən, Energetika Nazirliyi "Azərenerji" ASC ilə birlikdə Laçın-Kəlbəcər rayonlarında külək elektrik stansiyasının tikintisini təmin etməlidir.
Nazirlik 2022-2026-cı illər ərzində layihəyə hazırlıq işlərinin görülməsi, müqavilələrin imzalanması, stansiyanın tikintisini (400 MVt gücündə) təmin etməlidir.
Xəbər lenti
0