https://sputnik.az/20220614/qubadlida-tutun-emali-muessisesinin-yaradilmasinda-investorlara-destek-gosterilecek-442919471.html
Qubadlıda tütün emalı müəssisəsinin yaradılmasında investorlara dəstək göstəriləcək
Qubadlıda tütün emalı müəssisəsinin yaradılmasında investorlara dəstək göstəriləcək
Sputnik Azərbaycan
Dövlət Qubadlıda mövcud emal müəssisəsinin özəlləşdirilməsi üçün imkanlar yaratmağa, investora güzəştli kredit təqdim etməyə hazırdır 14.06.2022, Sputnik Azərbaycan
2022-06-14T20:15+0400
2022-06-14T20:15+0400
2022-06-14T20:15+0400
tütün
qarabağ
qubadlı
investorlar
https://cdnn1.img.sputnik.az/img/42288/42/422884215_0:255:3017:1952_1920x0_80_0_0_0acb4415a8c02c81394ef5a5a9be9cb7.jpg
BAKI, 14 iyun — Sputnik. Azərbaycan hökuməti Qubadlı rayonunda (Şərqi Zəngəzur iqtisadi rayonu) tütün emalı üzrə müəssisə yaradılmasında investorlara köməklik etməyə hazırdır."Dövlət strukturları tərəfindən Qubadlı rayonu ərazisində 1192 kvadratmetr sahədə tütün emalı üzrə yerli xammaldan istifadəni və mövcud imkanların genişləndirilməsini nəzərdə tutan müvafiq layihə hazırlanıb. Layihə təqribən 1 milyon manat dəyərində qiymətləndirilir", - "İnterfaks-Azərbaycan"a hökumətdəki mənbə bildirib.Onun məlumatına görə, 1 ton quru tütünün istehsalı üçün elektrik enerjisi sərfiyyatı 135 kVt/saat, qaz sərfiyyatı – 125 kubmetr təşkil edəcək."Hesablamalara əsasən, 6,7 ton yaş tütündən 1 ton quru tütün alınır. Dövlət layihənin icrası üçün Qubadlı rayonunda mövcud emal müəssisəsinin özəlləşdirilməsi üçün imkanlar yaratmağa, investora güzəştli kredit təqdim etməyə və investisiyaların təşviqinə dair sənəd verməyə hazırdır", - mənbə qeyd edib.Hökumətin qiymətləndirmələrinə görə, layihənin əsas üstünlükləri tütün qurudulması üzrə müəssisənin olması, quru tütün istehsalı üçün iqlim və coğrafi şəraitin uyğunluğu, yüksək ixrac imkanlarıdır.Bütövlükdə, hazırda Azərbaycanda 10-dan çox siqaret və fermentləşdirilmiş tütün istehsalı üzrə müəssisə fəaliyyət göstərir.Tütün istehsalı potensialıXatırladaq ki, tütünçülük sahəsi Qubadlı rayon əhalisi tərəfindən ən çox istehsalına üstünlük verilən kənd təsərrüfatı sahəsidir. 1980-ci ildə 504 hektar sahədən 1366 ton, 1985-ci ildə 519 hektar sahədən 2070 ton, 1988-ci ildə isə 589 hektar sahədən 2101 ton məhsul istehsal edilib. 1980-1988-ci illərdə rayonda tütün istehsalı ölkə üzrə istehsalın 3,6 faizini təşkil edib. Həmin illər ərzində məhsuldarlığın ölkə səviyyəsindən 7,8 faiz çox olması tütün istehsalında Qubadlı rayonunun daha artıq məhsul istehsal etmə imkanlarının mövcud olduğunu göstərir.Aparılan araşdırmalar nəticəsində 2025-ci ilə qədər Qubadlı rayonunda tütünün intensiv üsullarla əkilib-becərilməsi hesabına istehsalın 2 min tona çatdırılması proqnozlaşdırılır. Bu da ölkədə tütün istehsalının təxminən 25-27 faizinin məhz Qubadlı rayonu hesabına formalaşacağı deməkdir.Bu ilin I rübündə Azərbaycanda 3 milyard 48,4 milyon ədəd papiros və siqaret, 1297,8 ton fermentləşdirilmiş tütün istehsal edilib. Ötən ilin eyni dövrü ilə müqayisədə ölkədə fermentləşdirilmiş tütünün istehsalı 6 dəfə artıb, papiros və siqaretlərin istehsalı isə 4,8% azalıb.
Sputnik Azərbaycan
media@sputniknews.com
+74956456601
MIA „Rossiya Segodnya“
2022
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
tütün, qubadlı, investorlar
tütün, qubadlı, investorlar
Qubadlıda tütün emalı müəssisəsinin yaradılmasında investorlara dəstək göstəriləcək
Dövlət Qubadlıda mövcud emal müəssisəsinin özəlləşdirilməsi üçün imkanlar yaratmağa, investora güzəştli kredit təqdim etməyə hazırdır
BAKI, 14 iyun — Sputnik. Azərbaycan hökuməti Qubadlı rayonunda (Şərqi Zəngəzur iqtisadi rayonu) tütün emalı üzrə müəssisə yaradılmasında investorlara köməklik etməyə hazırdır.
"Dövlət strukturları tərəfindən Qubadlı rayonu ərazisində 1192 kvadratmetr sahədə tütün emalı üzrə yerli xammaldan istifadəni və mövcud imkanların genişləndirilməsini nəzərdə tutan müvafiq layihə hazırlanıb. Layihə təqribən 1 milyon manat dəyərində qiymətləndirilir", - "İnterfaks-Azərbaycan"a hökumətdəki mənbə bildirib.
Onun məlumatına görə, 1 ton quru tütünün istehsalı üçün elektrik enerjisi sərfiyyatı 135 kVt/saat, qaz sərfiyyatı – 125 kubmetr təşkil edəcək.
"Hesablamalara əsasən, 6,7 ton yaş tütündən 1 ton quru tütün alınır. Dövlət layihənin icrası üçün Qubadlı rayonunda mövcud emal müəssisəsinin özəlləşdirilməsi üçün imkanlar yaratmağa, investora güzəştli kredit təqdim etməyə və investisiyaların təşviqinə dair sənəd verməyə hazırdır", - mənbə qeyd edib.
Hökumətin qiymətləndirmələrinə görə, layihənin əsas üstünlükləri tütün qurudulması üzrə müəssisənin olması, quru tütün istehsalı üçün iqlim və coğrafi şəraitin uyğunluğu, yüksək ixrac imkanlarıdır.
Bütövlükdə, hazırda Azərbaycanda 10-dan çox siqaret və fermentləşdirilmiş tütün istehsalı üzrə müəssisə fəaliyyət göstərir.
Tütün istehsalı potensialı
Xatırladaq ki, tütünçülük sahəsi Qubadlı rayon əhalisi tərəfindən ən çox istehsalına üstünlük verilən kənd təsərrüfatı sahəsidir. 1980-ci ildə 504 hektar sahədən 1366 ton, 1985-ci ildə 519 hektar sahədən 2070 ton, 1988-ci ildə isə 589 hektar sahədən 2101 ton məhsul istehsal edilib. 1980-1988-ci illərdə rayonda tütün istehsalı ölkə üzrə istehsalın 3,6 faizini təşkil edib. Həmin illər ərzində məhsuldarlığın ölkə səviyyəsindən 7,8 faiz çox olması tütün istehsalında Qubadlı rayonunun daha artıq məhsul istehsal etmə imkanlarının mövcud olduğunu göstərir.
Aparılan araşdırmalar nəticəsində 2025-ci ilə qədər Qubadlı rayonunda tütünün intensiv üsullarla əkilib-becərilməsi hesabına istehsalın 2 min tona çatdırılması proqnozlaşdırılır. Bu da ölkədə tütün istehsalının təxminən 25-27 faizinin məhz Qubadlı rayonu hesabına formalaşacağı deməkdir.
Bu ilin I rübündə Azərbaycanda 3 milyard 48,4 milyon ədəd papiros və siqaret, 1297,8 ton fermentləşdirilmiş tütün istehsal edilib. Ötən ilin eyni dövrü ilə müqayisədə ölkədə fermentləşdirilmiş tütünün istehsalı 6 dəfə artıb, papiros və siqaretlərin istehsalı isə 4,8% azalıb.
