Ukrayna ilə sərhədə yaxın magistralda Rusiya hərbi texnikası koloniyası - Sputnik Azərbaycan, 1920, 28.02.2022
RF-in Donbasın müdafiəsi üzrə xüsusi əməliyyatı
Rusiya Prezidenti Vladimir Putin 2022-ci il fevralın 24-də rusiyalılara müraciətdə "Donbasda xüsusi əməliyyat keçirilməsi" barədə qərar qəbul etdiyini bildirib.

Ukrayna hərbçiləri Svyatoqorskdan qaçıblar

© AP Photo / Bernat ArmangueUkrayna hərbçiləri
Ukrayna hərbçiləri - Sputnik Azərbaycan, 1920, 07.06.2022
Xəbərlərə abunə olun
Yandex newsTelegram
İqor Konaşenkov: Rusiya ordusu "DXR"də Svyatoqorsk şəhərinin azad edilməsini başa çatdırır.
BAKI, 7 iyun — Sputnik. Ukrayna qoşunları millətçi cəza dəstələrin onlara mane olmaq cəhdlərinə baxmayaraq, texnikalarını atıb Svyatoqorskdan qaçıblar. Bu barədə Rusiya Müdafiə Nazirliyinin rəsmi nümayəndəsi İqor Konaşenkov bildirib.
Onun sözlərinə görə, bu məqsədlə dəstələr Severski Donets çayı üzərindən keçən körpünü partladıblar.
"Rusiya bölmələrinin hücumu altında Ukrayna Silahlı Qüvvələrinin 95-ci desant-hücum briqadasının və 81-ci ayrı-ayrı aeromobil briqadasının batalyonlarından qalanlar silahlarla birlikdə hərbi texnikanı ataraq sahilboyu istiqamətə qaçıblar", - deyə general bildirib.
O qeyd edib ki, səksənədək Ukrayna hərbçiləri çayı üzərək keçiblər, onlara məqsədli şəkildə atəş açmayıblar.
"Ukraynalı hərbçilərin millətçilərin rəhbərlik etdiyi faydasız Kiyev rejimini müdafiə etməkdən imtina etməsini qorxaqlıq deyil, yeganə düzgün hərəkət kimi qiymətləndiririk", - deyə Konaşenkov vurğulayıb.
O, həmçinin Ukraynanın bütün hərbçilərini və ərazi müdafiə dəstələrinin üzvlərini bu nümunəyə əməl etməyə və "canlarını xilas etmək üçün düşüncəsiz müqaviməti" dayandırmağa çağırıb. Müdafiə Nazirliyinin sözçüsü əlavə edib ki, Rusiya Silahlı Qüvvələri öz növbəsində könüllü olaraq silahı yerə qoyan hər kəsə layiqli rəftar edilməsinə və ailələrinin yanına qayıtmasına zəmanət verir.
Konaşenkov deyib ki, Rusiya ordusu Svyatoqorsk və ətraf ərazilərin azad edilməsinin son mərhələsinə keçib.
Svyatoqorsk (2003-cü ilə qədər Slavyanoqorsk) "Donetsk Xalq Respublikası"nın şimal hissəsində, Rusiya hərbçilərinin nəzarəti altında olan Xarkov vilayətinin İzyum şəhərindən qırx kilometr cənub-şərqdə yerləşir.
Xatırladaq ki, Rusiya cari ilin fevralın 24-də Ukraynada hərbi əməliyyata başlayıb. Rusiya Prezidenti Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" adlandırıb.
Rusiya Müdafiə Nazirliyinin məlumatına görə, RF Silahlı Qüvvələri yalnız hərbi infrastruktura və Ukrayna qoşunlarına zərbələr endirir və martın 25-nə olan məlumata görə, onlar birinci mərhələnin əsas tapşırıqlarını yerinə yetiriblər - Ukraynanın döyüş potensialını xeyli azaldıblar.
Rusiya MN xüsusi əməliyyatın əsas məqsədinin Donbasın azad edilməsi olduğunu bəyan edib.
Украинские солдаты сидят в бронетранспортере в городе Северодонецк, Донбасс - Sputnik Azərbaycan, 1920, 06.06.2022
RF-in Donbasın müdafiəsi üzrə xüsusi əməliyyatı
Rusiya MN: Son sutkada 300-dən çox millətçi məhv edilib
Xəbər lenti
0