Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Hulusi Akar Sergey Şoyquya nə təklif edib?

© Photo : Press Service of the Ministry of Defense of the Russian Federation / Fotobanka keçməkHulusi Akar və Sergey Şoyqu, arxiv şəkli
Hulusi Akar və Sergey Şoyqu, arxiv şəkli - Sputnik Azərbaycan, 1920, 07.06.2022
Xəbərlərə abunə olun
Yandex newsTelegram
Müdafiə nazirləri Ukrayna ərazisindən taxıl ixracı probleminin həlli ilə əlaqədar Qara dənizdə gəmilərin hərəkətinin təhlükəsizliyi məsələlərini də ətraflı müzakirə ediblər.
BAKI, 7 iyun - Sputnik. Türkiyənin milli müdafiə naziri Hulusi Akar rusiyalı həmkarı Sergey Şoyqu ilə telefon danışığında Ankaranın Ukraynada sülhə töhfə verməyə hazır olduğunu bildirib.
Rusiya Müdafiə Nazirliyinin yaydığı məlumata görə, telefon danışığı zamanı Sergey Şoyqu türkiyəli həmkarı Hulusi Akarla Ukrayna və Suriya mövzusunu müzakirə edib.
"Türkiyə tərəfinin təşəbbüsü ilə 2022-ci il iyunun 7-də Rusiyanın müdafiə naziri Sergey Şoyqu Türkiyənin milli müdafiə naziri Hulusi Akar ilə telefon danışığı aparıb. Əsas diqqət Ukrayna və Suriyadakı vəziyyətlə bağlı fikir mübadiləsi və dəyərləndirmələrə yönəldilib", - Rusiya MN-in məlumatında qeyd olunub.
“Nazir Akar daha çox insan tələfatının qarşısının alınması, bölgədə sülh və sabitliyin bərpası və pisləşən humanitar vəziyyəti yaxşılaşdırmaq üçün Ukraynada təcili atəşkəs elan edilməsinin vacibliyini vurğulayıb”, - məlumatda deyilir.
Akar humanitar yardım şəklində hər cür dəstəyi verməyə çalışan Türkiyənin indiyə qədər etdiyi kimi, bölgədə sülhün bərqərar olması işinə töhfə verməyə hazır olduğu bir daha bəyan edib.
Bildirilib ki, müdafiə nazirləri Ukrayna ərazisindən taxıl ixracı probleminin həlli ilə əlaqədar Qara dənizdə gəmilərin hərəkətinin təhlükəsizliyi məsələlərini ətraflı müzakirə ediblər. Suriyada regionda uzunmüddətli sabitliyin qorunmasına yönəlmiş sıx əməkdaşlığın davam etdirilməsinin vacibliyi də qeyd edilib.
Türkiyənin şimalında xüsusi əməliyyat keçirdiyi Suriyadakı vəziyyətlə bağlı danışan Akar vurğulayıb ki, “bölgədə sabitliyi pozmağa yönəlmiş hərəkətlərin intensivləşdirilməsinin qarşısını almaq üçün lazımi cavab veriləcək və bölgədə terrorçuların varlığı, qəbuledilməzdir".
O, qeyd edib ki, bu məsələ ilə bağlı əvvəlki razılaşmalara əməl edilməlidir
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
 Serqey Şoyqu - Sputnik Azərbaycan, 1920, 07.06.2022
RF-in Donbasın müdafiəsi üzrə xüsusi əməliyyatı
Şoyqu Svyatoqorskda baş verənləri açıqladı
Xəbər lenti
0