Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Rusiya Azərbaycanlı Gənclər Birliyi “Donor günü” təşkil edib

© AP Photo / Claudio Furlan /LaPresseDonordan götürülən qan analizi, arxiv şəkli
Donordan götürülən qan analizi, arxiv şəkli - Sputnik Azərbaycan, 1920, 21.05.2022
Xəbərlərə abunə olun
Yandex newsTelegram
Tədbir Milli Donor Günü çərçivəsində “Qanın milləti yoxdur!” devizi altında keçirilib.
BAKI, 21 may - Sputnik. Rusiyanın Vladimir Dövlət Universiteti Heydər Əliyev Fondunun vitse-prezidenti Leyla Əliyevanın rəhbərlik etdiyi Rusiya Azərbaycanlı Gənclər Birliyinin (RAGB) Vladimir regional şöbəsi və vilayət qanköçürmə stansiyası ilə birgə tələbələr, əməkdaşlar və müəllimlər üçün “Donor günü” təşkil edib. Bu barədə Azərtac xəbər yayıb.
Bu il tədbir Milli Donor Günü çərçivəsində “Qanın milləti yoxdur!” devizi altında keçirilib.
Milli Donor Günü hər il aprelin 20-də qeyd olunur. Məhz 1832-ci ilin bu günü Rusiyada ilk dəfə olaraq insandan insana uğurlu qan köçürülməsi həyata keçirilib.
Bu hadisə Rusiya donor hərəkatının inkişafında başlıca məqamlardan biri olub. Bu gün Rusiyada donor hərəkatı fəal inkişaf edir və donorların sayı daim artır.
Aksiya iştirakçılarının sayı 20 nəfər olub, onların çoxu qan verməyə ilk dəfə gəlib.
Vladimir qanköçürmə stansiyasının həkimləri qeyd edirlər ki, hər bir şüurlu donor əhəmiyyətlidir, çünki məhz onun qanı kiminsə həyatını xilas edə bilər.
“Sənin hansı dildə danışmağın və sosial statusun mühüm deyil. Köməyə hər kəs gəlməlidir”, - deyə tədbirin təşkilatçılarından biri olan Mikayıl Əhmədov bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0