Ukrayna ilə sərhədə yaxın magistralda Rusiya hərbi texnikası koloniyası - Sputnik Azərbaycan, 1920, 28.02.2022
RF-in Donbasın müdafiəsi üzrə xüsusi əməliyyatı
Rusiya Prezidenti Vladimir Putin 2022-ci il fevralın 24-də rusiyalılara müraciətdə "Donbasda xüsusi əməliyyat keçirilməsi" barədə qərar qəbul etdiyini bildirib.

Türkiyə Rusiya ilə münasibətlərdən imtina edə bilməz - Ərdoğan

© AFP 2022 / MURAT CETIN MUHURDARTürkiyə prezidenti Rəcəb Tayyib Ərdoğan, arxiv şəkli
Türkiyə prezidenti Rəcəb Tayyib Ərdoğan, arxiv şəkli - Sputnik Azərbaycan, 1920, 19.05.2022
Xəbərlərə abunə olun
Yandex newsTelegram
Türkiyə Prezidenti gənclərlə görüşündə bildirib ki, o, nə Rusiya, nə də Ukrayna prezidenti ilə münasibətləri pozmaq niyyətində deyil.
BAKI, 19 may — Sputnik. "Türkiyə Rusiya ilə münasibətlərdən imtina edə bilməz". Bu sözləri Türkiyə Prezidenti Rəcəb Tayyib Ərdoğan gənclərlə söhbəti zamanı bildirib. Bu çıxış onun "Twitter" səhifəsində yayımlanıb.
Prezident qeyd edib ki, Ankaranın həm Moskva, həm də Kiyevlə əlaqələri var:

"Bizim Rusiya ilə "Akkuyu" AES layihəmiz var. Gələn il biz bu layihəni yekunlaşdırıb açılışını edəcəyik. Bu, bizim üçün çox ciddi mənbədir".

Bundan əlavə, Türkiyə ehtiyac duyduğu qazın yarısını Rusiyadan alır.
"Bu, bizim üçün strateji məsələdir, strateji münasibətlərdir. Biz bu münasibətlərdən imtina edə və onları poza bilmərik" – deyə prezident vurğulayıb.
Ərdoğanın sözlərinə görə, o, nə Rusiya, nə də Ukrayna prezidenti ilə münasibətləri pozmaq niyyətində deyil.
"Mən həm Putin, həm də Zelenski ilə telefon diplomatiyamı davam etdirirəm. Xüsusi nümayəndəmi Moskvaya da, Kiyevə də göndərmişəm. Biz öz siyasətimizi davam etdirəcəyik, yeni dünya müharibəsi isə heç kimə sərfəli deyil", - deyə Türkiyə lideri bildirib.
"National Interest" jurnalı yazıb ki, Türkiyə Rusiya ilə münaqişəyə imkan verə bilməz. Nəşrin məlumatına görə, Rusiya Türkiyəni 45 faiz qazla, 17 faiz neftlə və 70 faiz isə buğda ilə təmin edir. Həmçinin ötən il Türkiyəyə səfər edənlərin turistlərin təxminən beşdə birini rusiyalılar təşkil edir.
Bundan başqa, rəsmi Ankara İsveç və Finlandiyanın NATO-ya üzvlük müraciətini dəstəkləməyəcəyini bəyan edib. Ərdoğan bildirib ki, Türkiyə bu məsələdə qətiyyətli hərəkət edəcək və alyans tərəfdaşlarına yox deyəcək.
Xatırladaq ki, Qərb ölkələri Ukraynadakı vəziyyətlə əlaqədar Moskvaya sanksiya təzyiqlərini artırıb. Bəzi dövlətlər Rusiya aktivlərinin dondurulduğunu elan ediblər, bir çox brendlər isə ölkəni tərk ediblər. Kremldə bu məhdudiyyətləri əvvəllər heç vaxt olmayan iqtisadi müharibə adlandırıblar və xarici investorlara Rusiya maliyyə sistemindən vəsait çıxarmağı qadağan edərək qaz ödənişlərini rubla hesablaşmaq kimi cavab tədbirləri görüblər. Qərb üçün isə sanksiyalar artıq iqtisadi problemə çevrilib, yanacaq və ərzaq qiymətlərinin bahalaşmasına səbəb olub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0