Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Avropada rus turistlərin yoxluğu səbəbindən yaranan itkilər hesablanıb

© AP Photo / Emrah GurelTuristlər dəniz sahilində istirahət edirlər
Turistlər dəniz sahilində istirahət edirlər - Sputnik Azərbaycan, 1920, 13.05.2022
Xəbərlərə abunə olun
Yandex newsTelegram
Avropa Səyahət Komissiyası rüblük hesabatında Rusiya-Ukrayna münaqişəsinin Avropanın turizm sektoruna təsir etdiyini etiraf edib. Antirusiya sanksiyalarının da Avropa turizm sektorunun işinə birbaşa təsiri olacaq.
BAKI, 13 may — Sputnik. Ekspertlər Ukraynadakı münaqişədən sonra, 2025-ci ildə Aİ-də turizmin bərpa olunacağını bildiriblər
Turoperatorlar assosiasiyası xəbər verir ki, Rusiya-Ukrayna münaqişəsinin pandemiyadan sonrakı dövrdə Avropada turizm sektorunun bərpasına təsiri qiymətləndirilib.
Avropa Səyahət Komissiyası (ASK) COVID-19 pandemiyasının, iqtisadi və geosiyasi amillərin sənayeyə təsirini təhlil edən rüblük hesabat dərc edib.
ASK hesab edir ki, Avropa turizmi 2022-ci ildə əvvəllər düşünüldüyündən daha yavaş sürətlə olsa da, bərpa olunmağa davam edəcək.
2022-ci ildə Avropaya gələn beynəlxalq turistlərin sayının 2019-cu illə müqayisədə 30 faiz az olacağı proqnozlaşdırılır. Eyni zamanda, ekspertlər bu il Avropadaxili səyahətlərin 2019-cu il səviyyəsinə tam bərpa olunacağını, Avropa ölkələrinə xarici ziyarətçi axınının isə yalnız 2025-ci ilə qədər pandemiyadan əvvəlki səviyyəyə qayıdacağını gözləyirlər.
Birinci rübdə Avropaya gələn turistlərin sayı 2019-cu ilin eyni dövrü ilə müqayisədə 43 faiz az olub.
Turist axınının pandemiyadan əvvəlki səviyyədən geri qalması üzrə ən kiçik göstəriciləri iki ölkə göstərib: Serbiya (11 faiz) və Türkiyə (12 faiz).
Bolqarıstanda (Coviddən əvvəlki dövrlə müqayisədə mənfi 18 faiz), Avstriyada (mənfi 33 faiz), İspaniya və Monakoda (hər birində mənfi 34 faiz) və Xorvatiyada (2019-cu ilə nisbətən mənfi 37 faiz) bu sahədə vəziyyət yaxşıdır.
Avropa səyahət komissiyasının məlumatına görə, 2022-ci ildə Qərbi Avropa dünyanın ən çox ziyarət edilən regionu olacaq, baxmayaraq ki, oraya turist axını 2019-cu ildə olduğundan dörddə bir qədər geridə qalacaq.
Ekspertlər etiraf edirlər ki, Rusiya-Ukrayna münaqişəsi artıq Avropanın turizm sektoruna təsir edir.
Qısa müddətli zaman kəsiyində bu vəziyyətdən qonaqpərvərlik sənayesi ən çox qarşı-qarşıya gələn dövlətlərin səyahətçilərindən asılı olan qonşu ölkələr zərər çəkəcəklər.
Bunlar Kipr, Monteneqro, Latviya, Finlandiya, Estoniya və Litvadır ki, burada 2019-cu ildə yalnız rusların payı on faizdən yuxarı olub.
Üstəlik, rusiyalıların Avropada istirahətə çox pul xərclədiyini nəzərə alsaq, Avropa ölkələrinin itkiləri daha həssas olacaq. Hesabatda deyilir ki, 2019-cu ildə rusiyalı turistlərin Monteneqroda xərclədikləri pay, oradakı beynəlxalq səyahətçilərin ümumi göstəricisinin 34 faizini təşkil edib. Kiprdə bu rəqəm - 25 faiz, Latviyada - 16 faizdir.
Həm Rusiyadan, həm də Ukraynadan səyahətlərin azalmasının birbaşa nəticələri ilə yanaşı, münaqişə Avropanın turizm sektoru üçün başqa problemlər də yaradıb. Belə ki, antirusiya sanksiyaları təyyarə yanacağı və təyyarə biletlərinin qiymətlərinin artmasına səbəb olacaq. Avropa daşıyıcıları artıq hava nəqliyyatı xərclərinin 10-15 faiz artacağı barədə xəbərdarlıq edirlər.
Bundan əlavə, avropalıların qida xərclərinin artması regionda səyahətə marağı azalda bilər. Rusiya, Ukrayna, Moldova və Belarusun hava məkanının bağlanması isə Asiyaya səfərlərin qiymətinin artmasına səbəb olacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0