Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Makron Rusiya qazına embarqo qoyulması məsələsinə aydınlıq gətirdi

© AP Photo / Nicholas GarrigaFransa prezidenti Emmanuel Makron
Fransa prezidenti Emmanuel Makron - Sputnik Azərbaycan, 1920, 22.04.2022
Xəbərlərə abunə olun
Yandex newsTelegram
Fransa prezidenti İtaliya qəzetinə müsahibəsində bildirib ki, Rusiyanın qazına embarqo qoyulması bu gün müzakirə olunmur.
BAKI, 22 aprel — Sputnik. Rusiya qazının Avropaya nəqlinə embarqo qoyulması məsələsi Ukraynaya qarşı sanksiyalar çərçivəsində müzakirə mövzusuna çevrilə bilər, lakin bu gün müzakirə olunmur. Bunu Fransa prezidenti Emmanuel Makron bildirib.
Fransa prezidenti deyib ki bu, danışıqlar masasında ola biləcək məsələdir, amma bu gün deyil.
"Artıq kömür və neft üzrə danışıqlar gedir, ancaq qazla bağlı belə bir şey hələ yoxdur. Biz bunun hansı böyük çətinliklərə səbəb olduğunu bilirik. Ona görə də uzun illərdir siz eşidirsiniz ki, mən Avropanın enerji suverenliyi haqqında danışıram", - deyə Makron İtaliyanın "Corriere della Sera" qəzetinə bildirib.
"Rusiyanın yeni hərbi, diplomatik və ya taktiki səviyyəyə keçməyə qərar verdiyi hər gün onun normal vəziyyətə qayıtmaq şansını və bizim davamlı sülh qurmaq imkanlarımızı azaldır", - Fransa prezidenti əlavə edib.
Qeyd edək ki, "Qazprom"un cari il üçün Ukraynaya tranzitlə bağlı müqavilə öhdəlikləri 40 milyard kubmetr və ya gündə təxminən 109,6 milyon kubmetr təşkil edir. Aprel ayında Avropada istiləşmə ilə bağlı Rusiya qazının tranziti yenidən azalıb.
Avropada qazın qiyməti min dollar səviyyəsində stabilləşib
Ötən gün keçirilən hərraclarda Avropada qazın 1000 kubmetrinin qiyməti 1030 dollardan yuxarı olub. Bu da əvvəlki qiymətlə müqayisədə 1,3% azdır.
Xatırladaq ki, bu ilin 7 mart tarixində gün ərzində Avropada qazın qiyməti bir neçə dəfə rekord vuraraq maksimum 3900 dollaradək yüksəlib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0