https://sputnik.az/20220418/kelbecerde-baslibel-faciesinin-qurbanlari-anilib-441188771.html

Kəlbəcərdə Başlıbel faciəsinin qurbanları anılıb

Kəlbəcərdə Başlıbel faciəsinin qurbanları anılıb

Sputnik Azərbaycan

Başlıbel qətliamında Ermənistan hərbçiləri mağaraya sığınan 19 nəfər vəhşicəsinə qətlə yetirilib. 18.04.2022, Sputnik Azərbaycan

2022-04-18T10:27+0400

2022-04-18T10:27+0400

2022-04-18T10:58+0400

qarabağ

kəlbəcər

başlıbel faciəsi

https://cdnn1.img.sputnik.az/img/07e5/0b/16/436538405_0:0:1000:563_1920x0_80_0_0_ae8b205fed2b80ff445253e27486adf2.jpg

BAKI, 18 aprel — Sputnik. Başlıbel qətliamının 29-cu ildönümü ilə bağlı Kəlbəcərə səfər təşkil edilib. Səfərdə qətliam qurbanlarının ailə üzvləri, qətliam zamanı 113 gün mühasirədə yaşamış şəxslər və media nümayəndələri iştirak ediblər. Kənd sakinləri əvvəlcə ermənilər tərəfindən darmadağın edilmiş evlərinə baxış keçirib, kəndlə bağlı xatirələrini bölüşüblər.Daha sonra Başlıbel qətliamının baş verdiyi yerdə olub, şəhid olmuş şəxslərin məzarları üzərinə güllər qoyulub.Şəhidlərin ailə üzvləri, 18 aprel qətliamının canlı şahidi olan şəxslər həmin qanlı hadisə haqda danışıblar. Qətliam qurbanlarının məzarları ziyarət edildikdən və ruhlarına dualar oxunduqdan sonra məzarlıqdan təxminən 100 metr məsafədə yerləşən Tutqun çayın digər sahilindəki mağaralar ziyarət edilib. Başlıbel qətliamı zamanı sakinlər 15 gün həmin mağaralarda sığınacaq tapıblar. 12 nəfər mağarda, 1 nəfər isə Tutqun çayının kənarında vəhşicəsinə qətlə yetirilib.29 il öncə bu mağaralara sığınan insanların paltarları, istifadə etdikləri bəzi məişət əşyaları, gülləbaran nəticəsində darmadağın olmuş yorğan-döşəklərinin qalıqları burada hələ də qalır.Xatırladaq ki, Başlıbel qətliamı 1993-cü il aprelin 18-də, Kəlbəcərin işğalı zamanı törədilib. İşğal zamanı doğma torpaqlarını tərk etməyən 62 nəfər dağlara sığınıb. Həmin 62 nəfərdən 48-i Başlıbel, 1-i Taxtabaşı kəndlərinin, 4-ü Laçın rayonu sakini, 9 nəfəri isə kəndi müdafiə edən hərbi qulluqçular olub. Lakin həmin şəxslər cəmi 17 gün gizlənə biliblər. 1993-cü il aprelin 18-də erməni quldurları qadın, uşaq və yaşlıların gizləndiyi yeri aşkarlayıb. 62 nəfərin sığındığı Portda adlanan ərazidəki mağaraları Ermənistan hərbçiləri mühasirəyə alıblar və saat 15-dən 21 radələrinədək atəşə tutmağa başlayıblar.Nəticədə silahsız, hər hansı müqavimət göstərmək imkanına malik olmayan 12 nəfər (1-i 12 yaşlı uşaq, 1-i 16 yaşlı yeniyetmə, o cümlədən 6 qadın və 6 kişi olmaqla) – sığındıqları yerdə öldürülüblər. 19 nəfər kənd sakini (qadın, uşaq və qoca) isə Ermənistan hərbçiləri tərəfindən girov götürülüb. Başlıbel Kəlbəcər rayonunun ən qədim və böyük kəndlərindən biridir. 7659 hektar ərazisi, işğal zamanı 1900 nəfərə yaxın sakini olan kənd iki dağ çayının qovuşduğu yerdə, Dəlidağın ətəyində yerləşir.Qeyd edək ki, səfər Qaçqın və Məcburi Köçkünlərin İşləri üzə Dövlət Komitəsinin təşkilatçılığı baş tutub.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20211010/kelbecerde-baslibel-kendinin-ilk-sehidinin-qebri-ziyaret-edilib-434065402.html

2022

xəbərlər

ru_AZ

kəlbəcər, başlıbel faciəsi