Ukrayna ilə sərhədə yaxın magistralda Rusiya hərbi texnikası koloniyası - Sputnik Azərbaycan, 1920, 28.02.2022
RF-in Donbasın müdafiəsi üzrə xüsusi əməliyyatı
Rusiya Prezidenti Vladimir Putin 2022-ci il fevralın 24-də rusiyalılara müraciətdə "Donbasda xüsusi əməliyyat keçirilməsi" barədə qərar qəbul etdiyini bildirib.

Sutka ərzində Ukraynaya məxsus 83 hərbi obyekt vurulub - Rusiya MN

© Sputnik / Максим Блинов / Mediabanka keçidUkrayna silahlı qüvvələrinin məhv edilmiş tankı
Ukrayna silahlı qüvvələrinin məhv edilmiş tankı - Sputnik Azərbaycan, 1920, 22.03.2022
Xəbərlərə abunə olun
НовостиTelegram
Rusiya Silahlı Qüvvələrinin bölmələri sutka ərzində daha 4 km irəliləyərək Novomixaylovka yaşayış məntəqəsinə yaxınlaşıblar.
BAKI, 22 mart - Sputnik. Rusiya Federasiyasının Müdafiə Nazirliyi Ukrayna ətrafındakı vəziyyətlə bağlı növbəti məlumatını paylaşıb.
Rusiya Müdafiə Nazirliyinin rəsmi nümayəndəsi general-mayor İqor Konaşenkovun bildirdiyinə görə, Rusiyanın əməliyyat-taktiki və ordu aviasiyası bir sutka ərzində Ukraynaya məxsus 83 hərbi obyekti vurub. Ukrayna hərbi obyektlərinə havadan və dənizdən yüksək dəqiqlikli uzaqmənzilli silahlar ilə zərbələr endirilib.
Qeyd olunub ki, Rusiya Silahlı Qüvvələrinin bölmələri sutka ərzində daha 4 km irəliləyərək Novomixaylovka yaşayış məntəqəsinə yaxınlaşıblar.
Bundan əlavə, Lisiçansk və Kramatorskda Ukrayna qoşunlarının iri yanacaq və sürtkü materialları anbarları, Drujkovkada raket və artilleriya silahları anbarı, Nadejdinka və Novoaleksandrivkada silah-sursat anbarları məhv edilib. Həmçinin hava hücumundan müdafiə sistemləri bir "Bayraktar TB-2" olmaqla, 6 Ukrayna PUA-nı havada vurub.
Bildirilib ki, xüsusi əməliyyat başlayandan indiyədək Ukraynaya məxsus 236 PUA, 185 hava hücumundan müdafiə sistemi, 1547 tank və digər zirehli döyüş maşını, 154 MLRS, 612 səhra artilleriyası və minaatan, o cümlədən 1343 ədəd xüsusi təyinatlı hərbi texnika məhv edilib.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq iyirmi yeddi gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0