Вид на город Ханкенди, фото из архива - Sputnik Azərbaycan, 1920
QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Şuşada qarın qalınlığı 1 metri keçib

© Sputnik / Emin AlisahibBülbülün Şuşadakl ev muzeyi
Bülbülün Şuşadakl ev muzeyi - Sputnik Azərbaycan, 1920, 20.03.2022
Xəbərlərə abunə olun
Yandex newsTelegram
Şuşada havanın temperaturu -5 dərəcədən aşağı düşüb. Şəhərin bütün texnikaları davamlı olaraq küçə və meydanları təmizləyir.
BAKI, 20 mart - Sputnik. Şuşada qarın hündürlüyü 1 metri keçib.
Bunu Şuşa Şəhəri Dövlət Qoruğu İdarəsinin İdarə Heyətinin sədri Məftun Abbasov bildirib.
M. Abbasov qeyd edib ki, Şuşada şiddətli qar yağmağa davam edir:
“Havanın temperaturu -5 dərəcədən aşağı düşüb. Qarın hündürlüyü 1 metrdən yuxarıdır. Şəhərin bütün texnikaları davamlı olaraq küçə və meydanları təmizləyir”.
Xatırladaq ki, ölkə ərazisində qeyri-sabit hava şəraiti davam edir, bəzi yerlərdə yağıntı olub, dağlıq rayonlarda qar yağıb və qar örtüyü əmələ gəlib. Abşeron yarımadasının bəzi yerlərində səhər saatlarında sulu qar yağıb.
Milli Hidrometeorologiya Xidmətinin yaydığı məlumata görə, martın 20-si saat 11:00-a olan məlumata əsasən, qar örtüyünün hündürlüyü Sarıbaşda (Qax) 74 sm, Altıağac, Xaltan, Şahdağda 41 sm, Lerikdə 40 sm, Kişçayda (Şəki) 35 sm, Ağdərədə (Ordubad) 32 sm, Qrızda 24 sm, Daşkəsən, Qusarda 13 sm, Qubada 10 sm, Göygöldə 8 sm, Şahbuzda 6 sm, Şərurda 2 sm olub.
Düşən yağıntının miqdarı Lənkəranda 29 mm, Astarada 22 mm, Lerikdə 20 mm, Beyləqanda 17 mm, Göytəpədə 12 mm, Ağdərədə (Ordubad) 11 mm, Qusarda 10 mm, Qubada 7 mm, Ağdamda 6 mm, Xaçmaz, Xaltan, Şabran, Şahdağ, Qrızda 5 mm, Tərtər, Altıağac, Şahbuzda 4 mm, Salyan, Biləsuvar, Kişçay (Şəki), Balakəndə 2 mm, Naxçıvan, Şərur, Naftalan, Gəncə, Zaqatala, Şəki, Şamaxı, Bərdə, Yevlax, Neftçalada 1 mm-dək, Bakıda və Abşeron yarımadasında: Bakı, Maştağada 2 mm, Sumqayıtda 0.3 mm olub.
Qərb küləyinin sürəti Gəncədə 28 m/s, Hacıqabulda 24 m/s, Şamaxıda 23 m/s, Naftalanda 22 m/s, Ağstafa, Culfa, Neftçala, Sabirabad, Tovuzda 20 m/s, Şirvan, Ağdərə (Ordubad), Naxçıvan, Salyan, Cəfərxanda 18 m/s, Culfa, Biləsuvarda 16 m/s, Bakıda və Abşeron yarımadasında 17 m/s-dək güclənib. Neft Daşları stansiyasının məlumatına əsasən, dalğanın hündürlüyü 2.6 metrə çatıb.
Havanın minimal temperaturu Bakıda və Abşeron yarımadasında 2-4 dərəcə isti, Naxçıvan MR-da 10 dərəcəyədək şaxta, dağlıq rayonlarda 11 dərəcəyədək şaxta, aran rayonlarında 5 dərəcəyədək isti olub.
Ölkə ərazisində müşahidə olunan qeyri-sabit, fasilələrlə yağıntılı hava şəraiti martın 26-dək davam edəcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0