Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Peskov: Moskva və Ankara arasında razılaşma var

© Sputnik / Сергей ГунеевRusiya Federasiyası Prezidentinin mətbuat katibi Dmitri Peskov
Rusiya Federasiyası Prezidentinin mətbuat katibi Dmitri Peskov  - Sputnik Azərbaycan, 1920, 08.02.2022
Xəbərlərə abunə olun
Yandex newsTelegram
Peskov onu da bildirib ki, yaxın zamanlarda Rusiya və Fransa prezidentləri arasında telefon danışığı ola bilər.
BAKI, 8 fevral — Sputnik. Rusiya Prezidenti Vladimir Putinin Türkiyəyə səfəri ilə bağlı Moskva və Ankara arasında razılaşma var, lakin konkret tarixlər hələ təsdiqlənməyib.
Sputnik Azərbaycan xəbər verir ki, bunu Rusiya Prezidentinin mətbuat katibi Dmitri Peskov söyləyib.
"Gələcəkdə belə bir səfər nəzərdə tutulub. Onlar səfərin prezidentlərin qrafiki və epidemioloji şərait imkan verdiyi vaxt baş tutması barədə razılığa gəliblər. Hələlik dəqiq tarixlər yoxdur, lakin diplomatik kanallar vasitəsilə razılaşdırılacaq", - sözçü bildirib.
Peskov onu da bildirib ki, yaxın zamanlarda Rusiya və Fransa prezidentləri arasında telefon danışığı ola bilər.
Onun sözlərinə görə, prezidentlər yeni təmas üçün vaxt müəyyənləşdirəcəklər və zəruri bildikdə bu danışıq baş tutacaq.
Xatırladaq ki, Türkiyə Prezidenti Rəcəb Tayyib Ərdoğan Ukraynadakı vəziyyəti müzakirə etmək məqsədilə rusiyalı həmkarı Vladimir Putini Türkiyəyə dəvət edib.
R.T.Ərdoğan eyni dəvəti Ukrayna Prezidenti Volodimir Zelenskiyə də çatdırıb. Zelenski dəvəti qəbul edib. Türkiyə lideri rusiyalı və ukraynalı həmkarlarının görüşünü təşkil etmək istəyir.
Hələlik V.Putinin Türkiyəyə səfər tarixi ilə yanaşı, Ankarada keçirəcəyi görüşlərin formatı da məlum deyil.
Qeyd edək ki, Ukrayna ətrafında vəziyyətin gərginləşməsi ilə bağlı Rusiyaya aid edilən planlar rəsmi Moskva tərəfindən qəti şəkildə rədd edilir. Moskva heç kimi təhdid etmədiyini və bütün bu kimi bəyanatların Rusiya sərhədləri yaxınlığında daha çox NATO hərbi texnikasının yerləşdirilməsi üçün bəhanə kimi istifadə olunduğunu vurğulayır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0