Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Putin Ərdoğan və xanımına şəfa dilədi

© Sputnik / Mikhail Klimentyev Президент РФ Владимир Путин и президент Турции Реджеп Тайип Эрдоган
Президент РФ Владимир Путин и президент Турции Реджеп Тайип Эрдоган - Sputnik Azərbaycan, 1920, 06.02.2022
Abunə olmaq
Putin: "Əminəm ki, həyati enerjiniz və xoş əhval-ruhiyyəniz virusun öhdəsindən ən qısa zamanda gəlməyə kömək edəcək"
BAKI, 6 fevral - Sputnik. Rusiya Prezidenti Vladimir Putin Türkiyə Prezidenti Rəcəb Tayyib Ərdoğana və həyat yoldaşına koronavirusdan tez sağalmasını, eləcə də uzun illər sağlamlıq diləyib.
Bu barədə Putinin Kremlin saytında yer alan teleqramında bildirilir.
Kremlin saytının Putinin teleqramından gətirdiyi sitatda deyilir:
"Hörmətli cənab Prezident, əziz dostum! Sizi və həyat yoldaşınızı ürəkdən dəstəkləmək istərdim. Əminəm ki, həyati enerjiniz və xoş əhval-ruhiyyəniz sizə ən qısa zamanda virusun öhdəsindən gəlməyə kömək edəcək. Sizə səmimi qəlbdən tam sağalma və uzun illər can sağlığı arzulayıram".
Qeyd edək ki, Türkiyə Prezidenti Rəcəb Tayyib Ərdoğan və xanımı Əminə Ərdoğan koronavirusa yoluxub. Ərdoğanda koronavirusun “omikron” ştamı aşkarlanıb.
Bu gün Türkiyə prezidenti Rəcəb Tayyib Ərdoğanın səhhəti ilə bağlı son durum açıqlanıb.
O özü bu barədə “Twitter” hesabında paylaşım edib.
Türkiyə Prezidenti qeyd edib ki, bugün səhər həkim tərəfindən müayinə olunub və səhhətində hər hansı bir mənfi hal aşkar olunmayıb.
Ərdoğan həmçinin evdən işləməyə davam etdiyini bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun:
Ərdoğan Omikrona yoluxdu
Xəbər lenti
0