Вид на Flame Towers в Баку, фото из архива - Sputnik Azərbaycan, 1920
PAYTAXT XƏBƏRLƏRİ
Bakının bütün vacib xəbərləri ilə buradan tanış ola bilərsiniz

Uşağı döyüb, öldürüb və quyuya ataraq üstünü torpaqlayıb - tük ürpədən cinayətin detalları

© AFP 2022 / JONATHAN NACKSTRANDQatil
Qatil - Sputnik Azərbaycan, 1920, 03.02.2022
Xəbərlərə abunə olun
Yandex newsTelegram
Quyuya atılaraq üstünə torpaq tökülən dörd yaşlı Məryəm Hüseynlinin qonşusu tərəfindən qətlə yetirildiyi müəyyən edilib.
BAKI, 3 fevral — Sputnik. Bakıda meyiti quyuya atılmış 4 yaşlı qızın ölüm səbəbi məlum olub.
2018-ci il təvəllüdlü Məryəmin meyiti ekshumasiya edilib. Məlum olub ki, M.Allahyarovanın ölüm səbəbi onun qonşuluqda yaşayan, 1990-cı il təvəllüdlü Mehman Mansurov tərəfindən müxtəlif vaxtlarda döyülməsi olub.
Uşağın öldüyünü görən M.Mansurov onu quyuya ataraq üzərinə torpaq töküb. Report qeyd edir ki, faktla bağlı Xəzər Rayon Prokurorluğunda Cinayət Məcəlləsinin 126.3-cü (Qəsdən sağlamlığa ağır zərər vurma, zərərçəkmiş şəxsin ölümünə səbəb olduqda) maddəsi ilə cinayət işi başlanıb, istintaq aparılır.
Xatırladaq ki, ötən gün Bakıda quyudan meyiti tapılan 4 yaşlı uşağın öldürüldüyü məlum olub. Quyuya atılaraq üstünə torpaq tökülən 2018-ci il təvəllüdlü Məryəm Hüseynlinin qətlə yetirildiyi müəyyən edilib.
Baş Prokurorluğun mətbuat xidmətindən bildirilib ki, qeyd edilən faktla bağlı Xəzər rayon Prokurorluğunda Cinayət Məcəlləsi 126.3-ci ( qəsdən sağlamlığa ağır zərər vurma, zərərçəkmişin ölümünə səbəb olma) maddəsi ilə cinayət işi başlanılıb. Zərərçəkmişin qonşusu 1990-cı il təvəllüdlü Mehman Mansurov şübhəli şəxs qismində tutulub.
***
01.02.22, 18:06
Quyuda meyiti aşkarlanan dörd yaşlı uşağın qatili müəyyən edildi
Ötən gün Bakıda quyudan meyiti tapılan 4 yaşlı uşağın öldürüldüyü məlum olub.
Sputnik Azərbaycan xəbər verir ki, quyuya atılaraq üstünə torpaq tökülən 2018-ci il təvəllüdlü Məryəm Hüseynlinin qətlə yetirildiyi müəyyən edilib.
Baş Prokurorluğun mətbuat xidmətindən APA-nın sorğusuna cavab olaraq bildirilib ki, qeyd edilən faktla bağlı Xəzər rayon Prokurorluğunda Cinayət Məcəlləsi 126.3-ci ( qəsdən sağlamlığa ağır zərər vurma, zərərçəkmişin ölümünə səbəb olma) maddəsi ilə cinayət işi başlanılıb.
Zərərçəkmişin qonşusu 1990-cı il təvəllüdlü Mehman Mansurov şübhəli şəxs qismində tutulub.
***
31.01.22, 16:17
Bakıda 4 yaşlı qızın meyiti aşkarlanıb. Bu barədə Sputnik Azərbaycan-a Baş Prokurorluğun Mətbuat Xidmətindən bildirilib.
Qeyd olunub ki, yanvarın 31-i 2018-ci il təvəllüdlü Məryəm Hüseynlinin meyitinin Xəzər rayonu ərazisində aşkar edilməsi barədə rayon prokurorluğuna məlumat daxil olub.
Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.
Hazırda qeyd edilən faktla bağlı Xəzər Rayon Prokurorluğunda araşdırma aparılır.
Hadisənin təfərrüatları ilə bağlı ictimaiyyətə əlavə məlumat veriləcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun:
Kəlbəcərdə itkin düşən zabitin nəşi tapılıb - MN
Xəbər lenti
0