Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

İrandan Rusiyaya Azərbaycanla bağlı qeyri-adi təklif

© AFP 2022 / ATTA KENAREВид на город Тегеран, фото из архива
Вид на город Тегеран, фото из архива - Sputnik Azərbaycan, 1920, 20.01.2022
Xəbərlərə abunə olun
Yandex newsTelegram
İranın neft naziri Cavad Övci bildirib ki, onun ölkəsi Rusiyaya öz ərazisi ilə svop qaz nəqlini həyata keçirməyi təklif edib.
BAKI, 20 yanvar - Sputnik. İran Rusiyaya öz ərazisi ilə svop qaz nəqlini həyata keçirməyi təklif edib.
Bunu İranın neft naziri Cavad Övci bildirib.
Onun sözlərinə görə, Rusiyaya səfər zamanı qazın İran vasitəsilə svop tədarükü müzakirə olunub.

"Son aylar ərzində biz Türkmənistandan qazın Azərbaycan vasitəsilə svop tədarükünü həyata keçirməyə başlamışıq. Eynilə, bunu Rusiya qazının sonrakı ixracı üçün də təklif etdik”, - Övci deyib.

Xəbəri Report Rusiya mediasına istinadla yayıb.
Cavad Övci yanvarın 11-də bildirmişdi ki, İran öz ərazisindən nəql etdiyi Türkmənistan qazının həcmini artırmağa hazırdır. Bunun üçün İran müvafiq infrastruktura malikdir.
Onun sözlərinə görə, ötən ilin noyabrın 28-də Aşqabadda İran, Azərbaycan və Türkmənistan arasında imzalanan müqaviləyə əsasən Türkmənistan qazı İrandan tranzit olaraq keçərək Azərbaycana çatdırılır. Müqaviləyə əsasən ildə 2 milyard kubmetr qaz İran ərazisindən Azərbaycana nəql edilir. İran nəql olunan qazın həcmini gündəlik 40 milyon kubmetrə çatdıra bilər.
Yaxın günlərdə Türkmənistan Prezidentinin İrana səfəri nəzərdə tutulub. Səfər çərçivəsində bu məsələnin də müzakirəsi gözlənilir.
Aşqabadda qaz mübadiləsinə dair müqavilə imzalanıb
Qeyd edək ki, 2021-ci il noyabrın 28-də Aşqabadda Azərbaycan, İran və Türkmənistan arasında qaz mübadiləsinə dair müqavilə imzalanıb.
Müqaviləni Azərbaycan Prezidenti İlham Əliyev və İran Prezidenti İbrahim Rəisi arasında keçirilən görüşdən sonra Azərbaycan xarici işlər naziri Ceyhun Bayramov və İran neft naziri Cavad Övci imzalayıb.
Aşqabad müqaviləsinə əsasən, il ərzində Türkmənistandan Azərbaycana İran üzərindən 1,5-2 milyard kubmetr qaz nəql olunacaq.
İranın neft naziri bildirmişdi ki, İran, Azərbaycan və Türkmənistan prezidentlərinin Aşqabadda imzaladığı qaz mübadiləsi sazişinin icrasına başlanılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun:
İranlı nazir Azərbaycanla bağlı açıqlama verdi
Naxçıvana qaz haradan gəlir?
Aşqabad müqaviləsi işə düşüb: Türkmənistan qazı İran üzərindən Azərbaycana gətirilir
Xəbər lenti
0