Вид на Flame Towers в Баку, фото из архива - Sputnik Azərbaycan, 1920
PAYTAXT XƏBƏRLƏRİ
Bakının bütün vacib xəbərləri ilə buradan tanış ola bilərsiniz

KİVDF-nin mənimsədiyi milyonlar büdcəyə qaytarılıb

© Sputnik / Murad OrujovAzərbaycan manatı, arxiv şəkli
Azərbaycan manatı, arxiv şəkli - Sputnik Azərbaycan, 1920, 16.01.2022
Xəbərlərə abunə olun
Yandex newsTelegram
Ötən il 101 min 373 min manatlıq əmlaka həbs qoyulub. Eyni zamanda, azadlığa çıxan şəxslər 2 milyon 195 min manat zərəri ödəyib. Eləcə də 32 milyon manat vəsait "Azərxalça" tərəfindən dövlət büdcəsinə geri qaytarılıb".
BAKI, 16 yanvar — Sputnik. Ötən il Azərbaycanda korrupsiyaya ilə bağlı 492 cinayət işi açılıb. Ümumiyyətlə, dövlətə vurulan 39 milyon 224 min manat vəsait geri qaytarılıb.
Sputnik Azərbaycab xəbər verir ki, bunu Konstitusiya Araşdırmaları Fondunun rəhbəri, hüquq müdafiəçisi Əliməmməd Nuriyev deyib.
Hüquq müdafiəçisi bildirib ki, ötən il 101 min 373 min manatlıq əmlaka həbs qoyulub. Eyni zamanda, azadlığa çıxan şəxslər 2 milyon 195 min manat zərəri ödəyib. Eləcə də 32 milyon manat vəsait "Azərxalça" tərəfindən dövlət büdcəsinə geri qaytarılıb".
KİVDF tərəfindən mənimsənilən milyonlarla vəsait də dövlət büdcəsinə geri qaytarılıb ki, həmin vəsaitin də sözügedən cinayət işi üzrə zərərçəkmiş qismində tanınan Medianın İnkişafı Agentliyi (MEDIA) veriləcəyi bildirilir.
Qeyd edək ki, ötən il dekabrın 24-də Bakı Ağır Cinayətlər Məhkəməsində ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) sabiq icraçı direktoru Vüqar Səfərli, müvafiq vəzifələrdə çalışmış Bünyamin İsmayılov, Ədalət Vəliyev, Nadir Məmmədov, Bəxtiyar Fətullayev, Təmkin Xəlilov, Telman Tahirov, Valeh Orucov, Təhminə Yaqubova, Şahin İbrahimov və Namiq Hacıyevin cinayət işi üzrə məhkəmə iclası keçirilib.
Hakim Azər Paşayevin sədrliyi ilə keçirilən prosesdə V.Səfərli son söz deyib. O, məhkəmədən bəraət istəyib. Hakimlər kollegiyasının elan etdiyi hökmə əsasən, V.Səfərli cəzasını ciddi rejimli cəzaçəkmə müəssisəsində çəkməklə 10 il 6 ay müddətinə azadlıqdan məhrum olunub. Qeyd edilib ki, o, 3 il dövlət orqanlarında vəzifə tuta bilməz.
Hökmə əsasən, digər təqsirləndirilən – N.Məmmədov 6 il, B.İsmayılov, Ə.Vəliyev, N.Məmmədov, B.Fətullayev, T.Xəlilov, T.Tahirov, V.Orucov, T.Yaqubova, Ş.İbrahimov və N.Hacıyevə müəyyən sınaq müddəti seçilməklə şərti cəza verilib.
Hökmdə qeyd edilib ki, bütün təqsirləndirilən şəxslərin üzərinə müəyyən məbləğ ödəmək öhdəliyi qoyulub. Təqsirləndirilən şəxslər həmin məbləği Medianın İnkişafı Agentliyinə ödəməlidirlər.
Eyni zamanda hökmdə göstərilib ki, V.Səfərli Bakının Xətai rayonunda, İsmayıllı rayonunda yerləşən fərdi yaşayış evi müsadirə edilib, bank hesabına həbs qoyulub.
Bundan başqa, N.Məmmədovun torpaq sahələri, Ə.Vəliyevin Mətbuat prospektində yerləşən çoxmərtəbəli yaşayış binası və digər daşınmaz əmlakları da müsadirə olunub.
Qeyd edək ki, dövlət ittihamçısı V.Səfərlinin 11 il, B.İsmayılov 7 il, Ə.Vəliyev 7 il, N.Məmmədov 7 il, B.Fətullayev 2 il, T.Xəlilov 2 il, T.Tahirov 7 il, V.Orucov 2 il, T.Yaqubova 6 il şərti, Ş.İbrahimov 2 il və N.Hacıyevin 7 il müddətinə azadlıqdan məhrum edilməsini istəyib.
Xatırladaq ki, cinayət işi üzrə V.Səfərli barəsində məhkəmənin qərarı ilə həbs, digər şəxslər barəsində isə polisin nəzarəti altına vermə qətimkan tədbiri seçilib.
İbtidai istintaq zamanı cinayətin törədilməsi nəticəsində vurulmuş maddi ziyanın bir hissəsinin ödənilməsi təmin edilmiş, habelə təqsirləndirilən şəxslərə məxsus olan daşınar və daşınmaz əmlak və bank əmanətlərinin üzərinə həbs qoyulub.
Cinayət işi üzrə Medianın İnkişafı Agentliyi (MEDIA) zərərçəkmiş qismində tanınıb.
Həmçinin oxuyun:
Vüqar Səfərlinin əmlakı müsadirə edildi və uzun illər həbsxanada yatacaq
Vüqar Səfərli Əli Həsənov və oğlu ilə bağlı məhkəməyə şikayət edib-DETALLAR
Əli Həsənovun bacanağı ilə bağlı məhkəmədən yeni xəbər
Muradovun mənimsədiyi otuz milyon manat kimə veriləcək?
Xəbər lenti
0