Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Putin: Bizi dincəlməyə qoymurlar, biz də dincəlməyəcəyik

© Photo : Sputnik/Vladimir Smirnov/Pool via REUTERSVladimir Putin
Vladimir Putin - Sputnik Azərbaycan, 1920, 13.11.2021
Abunə olmaq
Rusiya prezidenti deyib ki, Müdafiə Nazirliyi ABŞ-ın addımlarına cavab olaraq Qara Dəniz hövzəsində planlaşdırılmamış təlimlər keçirməyi təklif edib. Lakin bu, məqsədəuyğun deyil.
BAKI, 13 noyabr — Sputnik. Rusiya prezidenti Vladimir Putin bildirib ki, xarici tərəfdaşlar Rusiyanı dinc qoymurlar. Sputnik Azərbaycan xəbər verir ki, bunu Rusiyanın Prezidenti Vladimir Putin "Rusiya 24" telekanalının efirində Ukraynadakı vəziyyət və NATO-nun Qara dəniz hövzəsində təlimləri barədə vəziyyəti dəyərləndirərkən bildirib.
"Belə təəssürat yaranır ki, bizə sadəcə dinclik vermirlər. Qoy bilsinlər ki, biz də dincəlməyəcəyik", – deyə Putin bildirib.
Rusiya Prezidenti Vladimir Putin Qara dənizdə NATO-nun keçirdiyi təlimlərə münasibət bildirib:

"Onlar təlimlərdə döyüş silahlı strateji aviasiyadan istifadə edirlər. Bu, Rusiya üçün ciddi çağırışdır".

Rusiya prezidentinin sözlərinə görə, Müdafiə Nazirliyi Qara Dənizdə planlaşdırılmamış təlimlər keçirməyi təklif edib:
"Rusiyanın Müdafiə Nazirliyi ABŞ-ın addımlarına cavab olaraq Qara Dəniz hövzəsində planlaşdırılmamış təlimlər keçirməyi təklif edib. Lakin bu, məqsədəuyğun deyil. Vəziyyəti gərginləşdirməyə ehtiyac yoxdur. Rusiya hərbçiləri yalnız NATO təyyarələri və gəmilərini müşayiət etməklə kifayətlənirlər".
Qeyd edək ki, ötən gün Rusiyanın Müdafiə Nazirliyi ABŞ və onun NATO üzrə müttəfiqlərinin Qara dənizdə hərbi fəallığının artdığını bəyan edib.
Bir qədər bundan əvvəl ABŞ Hərbi Dəniz Qüvvələrinin altıncı donanması bildirmişdi ki, "Mount Whitney" flaqman gəmisi Şimalı Atlantika Alyansının qüvvələri ilə birgə əməliyyat keçirmək üçün Qara dənizə tərəf istiqamət götürüb.
Gəminin göyərtəsində ABŞ Hərbi Dəniz Qüvvələrinin 6-cı donanma qərargahının, Dəniz Zərbə Qüvvələrinin və NATO dəstək komandanlığının (Naval Striking and Support Forces – STRIKFORNATO) əməkdaşları olub.
"Rusiya Müdafiə Nazirliyi Qara dəniz regionunda ABŞ və onun NATO üzrə müttəfiqlərinin hərbi aktivliyinin artdığını qeydə alıb", – deyə qurumun məlumatında bildirilir.
O da qeyd olunur ki, ilk növbədə hərbi dəniz qüvvələri, hava və dəniz vasitələri, eləcə də, strateji aviasiyanın intensivliyi artıb.
Həmçinin oxuyun:
Qanundan yayınmaq: ABŞ Hərbi Dəniz Qüvvələri Qara dənizdə möhkəmlənmək üçün yol tapıb
Odla oynamaq: Qara dənizdə nə baş verir
Xəbər lenti
0