Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Vladimir Putin: "Ərdoğan haqlı idi"

© Sputnik / Sergey Guneev / Fotobanka keçməkПрезидент РФ Владимир Путин на пленарной сессии XVI заседания Международного дискуссионного клуба "Валдай"
Президент РФ Владимир Путин на пленарной сессии XVI заседания Международного дискуссионного клуба Валдай - Sputnik Azərbaycan, 1920, 21.10.2021
Xəbərlərə abunə olun
Rusiya prezidenti "Valday" klubunda çıxışı zamanı deyib ki, Ərdoğan İkinci Dünya müharibəsindən sonra müəyyən qüvvələr balansının olduğunu, ancaq indi onun dəyişdiyini deyərkən haqlı idi.
BAKI, 21 oktyabr - Sputnik. Türkiyə prezidenti Rəcəb Tayyib Ərdoğan İkinci Dünya müharibəsindən sonra müəyyən qüvvələr balansının olduğunu, ancaq indi onun dəyişdiyini deyərkən haqlı idi.
Sputnik Azərbaycan xəbər verir ki, bu sözləri Rusiya Federasiyasının Prezidenti Vladimir Putin cümə axşamı, oktyabrın 21-də “Valday” diskussiya klubunun plenar iclasında çıxışı zamanı deyib.
Putin qeyd edib ki, dünyanın hazırkı vəziyyəti uğursuz “soyuq müharibənin” məhsuludur. Qərbin dünyanın işlərində dominantlığı yerinə daha rəngarəng bir sistem gəlir.
"Əvvəllər hansısa tərəfin müharibədə məğlubiyyəti digər tərəfin qalib olması demək idi. İndi isə başqa cürdür, kimin qalib olmasından asılı olmayaraq, müharibə bitmir, formasını dəyişir", - deyə Prezident bildirib.
Sanksiyalar və Martin Lüter Kinqin dəyərləri
Putin Qərbin sanksiyalarına toxunarkən deyib:

"Pandemiyaya baxmayaraq, bir sıra ölkələr üçün sanksiyalar hələ də qalır. Bəs, hanı qərb siyasi təfəkkürünün humanist əsasları necə oldu? Bunlar boş söhbətlərdir. Qlobal rəqəmsal platformaların dövlət funksiyaların qəsb etmək cəhdləri boşa çıxır. Bu, qısa müddət mövcud ola biləcək bir şeydir, necə ki ABŞ-da oldu".

Putin çıxışında “insan mənəviyyatının” marksist modelini müasir Qərb dəyərləri modeli ilə müqayisə edib. O, Martin Lüter Kinqin insanın dərisinin rənginin deyil, onun gördüyü işlərin daha vacib olması barədə bəyanatını əsl dəyər adlandırıb və deyib ki, hazırda belə deyil.
"Bərabərlik uğrunda mübarizə doqmatizm səviyyəsində bir absurda çevrilir. İş o yerə çatıb ki, Hollivudda kinonu necə çəkmək, personajları hansı irqdən seçmək barədə yaddaş kitabları buraxırlar. Öz yanaşmalarımızı formalaşdırarkən biz şüurlu mühafizəkarlıq prinsiplərinin əsas tutacağıq. Gələcəyi bəlli olmayan dünya düzəninin qarşıdakı mərhələsində mülayim mühafizərkarlıq - ən ağıllı dünyagörüş prinsipidir", - deyə Putin bildirib.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала