Вид на город Ханкенди, фото из архива - Sputnik Azərbaycan, 1920
QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Yaxın müddətdə Talış və Suqovuşana 500-ə yaxın azərbaycanlı ailəsi köçürüləcək

Suqovuşan - Sputnik Azərbaycan, 1920, 16.10.2021
Xəbərlərə abunə olun
Tərtər Rayon İcra Hakimiyyətinin başçısı Talış kəndinin və Suqovuşan qəsəbəsinin yenidən qurulması ilə bağlı layihələr üzərində iş getdiyini açıqlayıb
BAKI, 16 oktyabr — Sputnik. Tərtər rayonunun Talış kəndinin və Suqovuşan qəsəbəsinin yenidən qurulması ilə bağlı layihələr üzərində iş gedir. Sputnik Azərbaycan xəbər verir ki, bunu Tərtər Rayon İcra Hakimiyyətinin başçısı Müstəqim Məmmədov deyib.
Oktyabrın 3-də Prezident İlham Əliyevin Tərtər rayonunun Talış kəndinə və Suqovuşan qəsəbəsinə səfərini xatırladan Müstəqim Məmmədov bildirib:

"Dövlətimizin başçısı səfər zamanı Talış və Suqovuşanda Azərbaycan bayrağını ucaltdı. Yaxın müddətdə Talış və Suqovuşana 500-ə yaxın azərbaycanlı ailəsinin köçürülməsi planlaşdırılır".

Vətən müharibəsi zamanı Tərtər rayonunun Ermənistan tərəfindən atəşə tutulması nəticəsində aralarında bir uşaq və bir qadın olmaqla, 16 dinc sakin həlak olduğunu diqqətə çatdıran Tərtər Rayonu İcra Hakimiyyətinin başçısı həmin dövrdə 7050 tikiliyə, o cümlədən yaşayış evlərinə xeyli ziyan dəydiyini vurğulayıb.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала