Вид на Flame Towers в Баку, фото из архива - Sputnik Azərbaycan, 1920
PAYTAXT XƏBƏRLƏRİ
Bakının bütün vacib xəbərləri ilə buradan tanış ola bilərsiniz

Xəzərin sahilində ekoloji fəlakət: Pirşağıda 10-a yaxın suiti cəsədi aşkarlanıb

© AFP 2023 / Handout / North Caucasian branch of Russia's fisheries agencyТело мертвого каспийского тюленя на берегу Каспийского моря, фото из архива
Тело мертвого каспийского тюленя на берегу Каспийского моря, фото из архива - Sputnik Azərbaycan, 1920, 11.10.2021
Abunə olmaq
Xidmət rəsmisi bildirib ki, hazırda AMEA-nın Zoologiya İnstitutunun əməkdaşları ilə birlikdə hadisə yerindədirlər və cəsədlərin əksəriyyəti tamamilə çürüyüb.
BAKI, 11 oktyabr — Sputnik. "Pirşağıda dəniz sahilində 10-a yaxın suiti cəsədi aşkarlanıb. Onlardan 7-si tamamilə çürüyüb". Bunu Sputnik Azərbaycan-a Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəsmisi Arzu Səmədova deyib.
Xidmət rəsmisi bildirib ki, hazırda AMEA-nın Zoologiya İnstitutunun əməkdaşları ilə birlikdə hadisə yerindədirlər: "Cəsədlərin əksəriyyəti tamamilə çürüyüb. Nisbətən bütöv qalan cəsədlərin müşahidəsi zamanı üzərlərində kəsici alət izləri göründü. Belə qənaətə gəlmək olur ki, böyük ehtimalla yem axtaran zaman balıqçı torlarına düşən suitilər elə balıqçılar tərəfindən də qətlə yetirilib. Çürüyüb tanınmaz hala düşən suitilərin yaşlı olduğunu güman edirik. Çünki qida axtarışı zamanı suitilər özlərini dənizdə olan iri daşlara çırpırlar. Yaşlı suitilər də məhz bu zaman zədə alaraq tələf olub dalğa vuraraq sahilə çıxma ehtimalı var".
A.Səmədova vurğulayıb ki, suitilərin Xəzər dənizinin Azərbaycana aid akvatoriyasında olma müddətləri mart-aprel aylarıdır: "Digər aylarda şimal sahillərinə miqrasiya edirlər".
Xəbər lenti
0