BAKI, 25 aprel - Sputnik. Amerikanın kəşfiyyatçı U-2 təyyarəsi ötən həftə Böyük Britaniyanın Ferford aviabazasından səmaya qalxıb.
Sputnik Azərbaycan Daily Mail-ə istinadən bildirir ki, buna səbəb Rusiya-Ukrayna sərhədindəki gərginlikdir.
Nəşrin bildirdiyinə görə, "çox məxfi" casus təyyarə ötən həftə Avropada kəşfiyyat missiyasını yerinə yetirmək üçün uçub. Müəllifin sözlərinə görə, "Ledi Əjdaha" adlandırılan Lockheed U-2-nin şəkilləri hələ aprelin 16-da Ferfordda çəkilib. Həmin vaxt təxminən 100000 Rusiya əsgəri Ukrayna sərhədinə göndərilmişdi.
Top secret US U-2 spy plane takes off from RAF Fairford UK for another reconnaissance mission on the edge of space as Russian forces withdraw from Ukrainian border.
— saman arbabi (@SamanArbabi) April 23, 2021
This beautiful Lockheed beast was first introduced in 1956. Sixty five years ago and still in service. pic.twitter.com/nYHn3DNMWA
Bildirilir ki, sonra prezident Putin Moskva yaxınlığında düşmən PUA-ları və peyklərini aldatmaq üçün doldurulma (rezin) ordu yaratdıqdan sonra qoşunları daimi dislokasiya yerlərinə qaytarıb.
"U-2-nin Avropada olması Moskvaya xəbərdarlıqdır", - məqalədə deyilir.
Son həftələr Qlosterşirdəki hərbi bazada kəşfiyat təyyarəsini tez-tez görüblər, ancaq nə Müdafiə Nazirliyi, nə də ABŞ HHQ hərəkətin səbəbini açıqlamağa tələsib.
ABŞ-ın fəaliyyətdə olan 32 U-2 təyyarəsindən biri də hələ fevralda Ferfordda görülüb. Bura Böyük Britaniyadakı missiyaları zamanı həmin təyyarələr üçün baza rolunu oynayır.
2019-cu ilin sentyabrında ABŞ HHQ bildirmişdi ki, təyyarələr Ferforda "rutin kəşfiyyat və müşahidə missiyaları üçün" Kaliforniyadakı Bil aviabazasından göndərilib. Həmçinin qeyd olunmuşdu ki, Avropa hərbi səhnələr teatrında ISR (kəşfiyyat və müşahidə) vasitələrinin yerləşdirilməsi ABŞ-ın bölgədəki müttəfiq və tərəfdaşlarına sadiqliyini nümayiş etdirir".
