Hələ qədim vaxtlarda adamlar müəyyən vasitələrlə ritmlər yaradıblar.
Azərbaycanda ən qədim insan məskənlərindən biri olan Qobustanda 10-12 min il əvvəllərə aid edilən qaya rəsmləri ilə yanaşı, "Qaval daşı" adlanan böyük bir qaya parçası da var. Bu qayanı əl, ayaq və yaxud hər hansı bir cisimlə döyəclədikdə, qavalın tembrinə uyğun səslər alınır. Belə güman edilir ki, həmin qaya parçası ulu əcdadlarımız tərəfindən zərb aləti kimi istifadə olunduğundan bu günümüzə "Qaval daşı" adı ilə gəlib çatıb.
Zərb alətləri qədim dövrdən ölkəmizdə şənliklərdə və müharibə vaxtı geniş istifadə olunub. Təəssüf ki, illər keçdikcə onlardan bir çoxu yaddan çıxarılır, yerini elektron musiqi alətlərinə verir.
Sputnik Azərbaycan-ın hazırladığı infoqrafikada Azərbaycanın müxtəlif bölgələrində keçmişdən bəri istifadə olunan zərb alətləri ilə tanış ola, həm də onların səslənməsinə qulaq asa bilərsiniz.
