BAKI, 20 mart — Sputnik. Rusiyanın S-400 "Triumf" zenit-raket komplekslərinin ölümcül olmasının bir neçə səbəbi var. Sputnik Azərbaycanın Rusiya mediasına istinadən verdiyi xəbərə görə, amerikalı ekspertlər "hərbi-hava qüvvələrinin qatili" adlandırılan bu komplekslər "təyyarələrin, qanadlı və ballistik raketlərin vurulması, habelə yerdəki obyektlərin məhv edilməsi üçün istifadə oluna bilər".
"S-400 raketləri həmçinin 400 km məsafədə və 30 km-ə qədər hündürlükdə, həm də düşmənin intensiv atəş açdığı şəraitdə hədəfləri vurmağa qadirdir", - deyə ABŞ-ın 19FortyFive məcmuəsinin ekspert rəyində bildirilir.
Qeyd olunur ki, ABŞ-ın sanksiyalar tətbiq edilməsi təhdidinə rəğmən S-400 "Triumf" raketlərini bəzi ölkələr, o cümlədən Hindistan və Türkiyə alır.
Ekspertlər onu da bildirirlər ki, adı çəkilən raket kompleksi hazırda həm də iqtisadi və hibrid müharibə alətinə çevrilir. Belə ki, "NATO-nun həlledici üzvü olan Ankara" S-400 "Triumf" raketlərini alıb.
