BAKI, 1 yanvar - Sputnik. Rusiyada yanğına qarşı qaydaların yeni redaksiyasına uyğun olaraq tibb müəssisələri, ticarət məkanları və təhsil müəssisələri ərazisinə siqaret çəkilməyə qoyulan qadağa yanvarın 1-dən qüvvəyə minib.
Sputnik Azərbaycan RİA Novosti-yə istinadla xəbər verir ki, sənədə əsasən, anbar və bazalar, taxıl qəbulu məntəqələri və çəmənlər, səhiyyə və təhsil müəssisələri, nəqliyyat, ticarət məntəqələri, tez alışan maddələrin emalı müəssisələri, yanacaq və qaz obyektləri, partlayıcı maddə istehsalı müəssisələri və yanma təhlükəsi olan sahələrdə siqaret çəkilməsi qadağandır.
Qaydalar 2026-cı il dekabrın 31-dək qüvvədədir.
