BAKI, 17 dekabr — Sputnik. Rusiya Prezidenti Vladimir Putin koronavirus əleyhinə peyvənd vurdurmadığını etiraf edib. Sputnik Azərbaycan xəbər verir ki, bunu Rusiya Prezidenti bu gün keçirilən mətbuat konfransında bildirib.
O qeyd edib ki, hazırda preparat müəyyən kateqoriyaya aid vətəndaşlar üçün gətirilir və hələ onun növbəsi çatmayıb.
Rusiya Prezidenti mümkün olan kimi peyvənd elətdirəcəyini bildirib.
Putin vurğulayıb ki, vaksin vurdurmamaq üçün səbəb yoxdur, çünki o, təhlükəsizdir. O əlavə edib ki, kütləvi vaksinasiya koronavirusla mübarizədə olduqca əhəmiyyətlidir – məhz vaksin kollektiv immunitet yaradacaq.
