44 günlük Vətən müharibəsinin qızğın döyüşlərindən birində qəhrəman əsgərlərimizdən biri, Tərlan Həsənov ondan artıq döyüş yoldaşını xilas edib. O, düşmən qumbarasının üzərinə atılıb və özü möcüzəvi şəkildə sağ qala bilib. Hal-hazırda əsgər Həsənov hərbi xidmətini davam etdirir.
Qəhrəmanımız Şəkinin Baş Zəyzid kəndində doğulub. Hərbi xidmətdə hər zaman fəallığı ilə seçilib. Onun etdiyi qəhrəmanlıq isə müharibə dövründə tarixə düşən ən böyük hadisələrdən biridir.
Qeyd edək ki, əsgər fəxri fərman və məzuniyyətlə mükafatlandırılıb.
