QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Paşinyanın əsas rəqibi: "Qarabağ üzrə razılaşma 100%-lik kapitulyasiyadır"

© AFP 2023 / -Премьер-министр Армении Никол Пашинян, фото из архива
Премьер-министр Армении Никол Пашинян, фото из архива - Sputnik Azərbaycan
Abunə olmaq
Ermənistan Milli Təhlükəsizlik Xidmətinin (MTX) sabiq rəhbəri Artur Vanetsyan qeyd edib ki, nə o, nə də onunla həmfikir olan şəxslər müharibəni bərpa etmək niyyətində deyil.

 

BAKI, 20 noyabr — Sputnik. Ermənistan Milli Təhlükəsizlik Xidmətinin (MTX) sabiq rəhbəri Artur Vanetsyan Qarabağ üzrə razılaşmanı "100%-lik kapitulyasiya sənədi" adlandırıb. Sputnik Ermənistan xəbər verir ki, bunu Vanetsyan "Beşinci kanalın" efirində bildirilib.

O, eyni zamanda qeyd edib ki, nə o, nə də onunla həmfikir olan şəxslər müharibəni bərpa etmək niyyətində deyil.

"Qarabağ üzrə üçtərəfli bəyanat faktdır", - deyə Vanetsyan qeyd edib.

O, həmçinin hesab edir ki, indi Ermənistanı çətin günlər gözləyir. Onun sözlərinə görə, Paşinyan ölkəni elə vəziyyət gətirib ki, indi ona çox az adam rəhbərlik etməyə cəhd edə bilər.

Ermənistan milli təhlükəsizlik xidmətinin keçmiş direktoru, müxalifət olan Vətən Partiyasının sədri Artur Vanesyan - Sputnik Azərbaycan
Nikol Paşinyana sui-qəsd etməkdə günahlandırılan sabiq MTX rəisi azadlığa buraxılıb

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Liderlər Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də ( sonradan bu müddət noyabrın 25-dək artırılıb) Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Bundan sonra Ermənistanda hakimiyyətə qarşı etiraz aksiyaları başlayıb.

Xəbər lenti
0