BAKI, 26 oktyabr - Sputnik. Azərbaycan humanist prinsiplərlə birtərəfli qaydada erməni əsgərlərin cəsədlərini Beynəlxalq Qızıl Xaç Komitəsi vasitəsilə Ermənistana təhvil verməyə hazırdır.
Sputnik Azərbaycan xəbər verir ki, bu sözləri Prezidentin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün “Twitter” səhifəsində bildirib.
Azərbaycan humanist prinsiplərlə birtərəfli qaydada erməni əsgərlərin meyidlərin @ICRC ilə Erm. verməyə hazırdır. 18 oktyabrda hələ bəyan etməyimizə baxmayaraq Ermənistan cavab vermir. Meyidləri götürməkdən imtina real vəziyyəti gizlətmək məqsədi daşıyır.https://t.co/PgMzNgH1r2
— Hikmet Hajiyev (@HikmetHajiyev) October 26, 2020
Prezidentin köməkçisi qeyd edib ki, oktyabrın 18-də Azərbaycanın cəsədləri birtərəfli qaydada qaytarmağa hazır olduğunu bəyan etməsinə baxmayaraq, Ermənistan hələ də cavab vermir. Cəsədləri götürməkdən imtina real vəziyyəti gizlətmək məqsədi daşıyır. Beləliklə, bir daha aydın olur ki, Ermənistan cəsədləri götürmək istəmir, çünki mövcud siyasi-hərbi rəhbərlik xalqın reaksiyasından, qəzəbindən qorxur.
