BAKI, 19 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamlarının dəstəyi davam edir. Bu dəfə bu axına Türkiyənin məşhur komediya ustası Cem Yılmaz da qoşulub. O, özünün "Instagram" səhifəsində bu sözləri yazıb:
Посмотреть эту публикацию в Instagram
"Can qardaşımız Azərbaycan xalqına ən yaxın zamanda savaşdan, qandan, acıdan uzaq günlər diləyirəm. Ədalətsiz dünya təəccüblə baxır, ən yaxın zamanda pisliklər bitsin istəyirəm".
Bundan başqa, TV8 kanalının sahibi Acun Ilıcalı da özünün "Instagram" səhifəsində Azərbaycana dəstəyini belə ifadə edib:
Посмотреть эту публикацию в Instagram
"Qarabağı qurtarmaq üçün verdiyi haqlı mücadilədə azərbaycanlı qardaşlarımızın yanındayıq. Dinc əhaliyə uzanan qanlı vəhşiliyi lənətləyirəm! Dost və qardaş Azərbaycanı 18 Oktyabr Müstəqillik günü münasibəti ilə təbrik edirəm".
