BAKI, 11 oktyabr — Sputnik. Gəncə şəhərinə Ermənistan ərazisindən buraxılan raketin düşmə anı müşahidə kameralarında qeyd olunub.
Sputnik Azərbaycan bildirir ki, görüntüləri "Anadolu" agentliyi yayıb.
#Ermenistan'ın #Azerbaycan'ın #Gence kentini vurma anı güvenlik kameralarına yansıdı https://t.co/FSlt4Y0kwd pic.twitter.com/Si71plkh8O
— ANADOLU AJANSI (@anadoluajansi) October 11, 2020
Qeyd edək ki, Prezident İlham Əliyev həmin raket hücumunun Ermənistanın Vardenis rayonundan həyata keçirildiyini bildirib. Humanitar atəşkəs rejimini kobud şəkildə pozan Ermənistan ordusunun 11 oktyabr 2020-ci il tarixində gecə saat 2.00 radələrində döyüş bölgəsindən tamamilə kənarda yerləşən Azərbaycanın ikinci böyük şəhəri Gəncəyə "Toçka-U" sistemindən atdığı raket nəticəsində yaşayış binası tamamilə dağılıb, bina sakinləri dağıntılar altında qalıb. Fövqəladə Hallar Nazirliyinin müvafiq qüvvələri tərəfindən dağıntılar altından xəsarət almış 17 nəfər və 9 nəfərin meyiti çıxarılıb. Ümumilikdə 30-dan çox insanın xəsarət aldığı bildirilir.
