QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Kreml: KTMT üzrə öhdəliklər Qarabağa şamil edilmir

© Sputnik / Host photo agency / Alexander Vilf / Mediabanka keçidВоенный парад в ознаменование 75-летия Победы на Красной площади
Военный парад в ознаменование 75-летия Победы на Красной площади - Sputnik Azərbaycan
Abunə olmaq
"Bu halda söhbət Ermənistandan gedir, prezident bu iki məsələni dəqiq izah edib və bir-birindən ayırıb. KTMT üzrə öhdəliklər Qarabağa şamil edilmir", – Peskov əlavə edib

BAKI, 7 oktyabr — Sputnik. Kollektiv Təhlükəsizlik Müqaviləsi Təşkilatının (KTMT) öhdəlikləri Ermənistandan fərqli olaraq Qarabağa şamil edilmir.

Sputnik Azərbaycan RİA Novosti-yə istinadən xəbər verir ki, bunu Rusiya prezidentinin mətbuat katibi Dmitri Peskov bildirib.

Bundan əvvəl Rusiya Prezidenti Vladimir Putin xatırladıb ki, Ermənistan KTMT-nin üzvüdür və Rusiyanın bu ölkə qarşısında müəyyən öhdəlikləri var.

"Bu, təhlükəsizliyin təmin edilməsi baxımından öhdəliklərdir. Yəni, əgər KTMT-yə üzv olan ölkə hansısa təcavüzə, xaricdən hücuma məruz qalırsa, onda müqavilənin iştirakçısı olan ölkələr belə bir dövlətin müdafiəsinə qalxmağa öhdəlik daşıyırlar", – Peskov jurnalistlərin sualına cavabında deyib.

Rusiyanın Dağlıq Qarabağdakı münaqişə zonasına hərbçiləri hansı halda göndərməyə hazır olduğu sualına cavabında prezidentin mətbuat katibi bunun öhdəlikdən irəli gəldiyini bildirib.

"Bu halda söhbət Ermənistandan gedir, prezident bu iki məsələni dəqiq izah edib və bir-birindən ayırıb. KTMT üzrə öhdəliklər Qarabağa şamil edilmir", – Peskov əlavə edib.

 

Xəbər lenti
0