Eldar Tanrıverdiyev, Sputnik Azərbaycan
BAKI, 5 oktyabr — Sputnik. Ermənistan Silahlı Qüvvələri məqsədyönlü şəkildə mülki şəxsləri və mülki infrastrukturu qəsdən hədəfə alır.
Sputnik Azərbaycan bildirir ki, bu barədə Xarici İşlər Nazirliyinin Mətbuat Xidmətinin rəhbəri Leyla Abdullayeva bildirib.
"Ermənistan Silahlı Qüvvələrinin açdığı atəş nəticəsində bu günə qədər 24 azərbaycan vətəndaşı qətlə yetirilib, 121 nəfər yaralanıb. Bundan əlavə, Ermənistan tərəfi 300-dən çox evə və digər mülki obyektlərə zərər vurub", - deyə Leyla Abdullayeva qeyd edib.
O vurğulayıb ki, Ermənistan XİN və digər rəsmiləri guya Ermənistan ərazisindən Azərbaycan ərazisinə atəş açılmadığını iddia edirlər: "Lakin Azərbaycan tərəfində olan dəqiq faktlar göstərir ki, Azərbaycan ərazisini Ermənistanın Gorus, Sisyan, Berd, Cermuk və Vardenis şəhərlərindən atəşə tutur. Xarici və yerli ekspertlərin iştirakı ilə bu faktlar toplanıb və beynəlxalq qurumlara göndərilib".
