BAKI, 3 oktyabr — Sputnik. Rəsmi Tbilisi Ermənistan və Azərbaycan dialoqunun bərpası məqsədilə istənilən danışıqlar üçün meydança olmağa hazırdır. Sputnik Gürcüstan xəbər verir ki, bunu Gürcüstanın Prezidenti Salome Zurabişvili Təhlükəsizlik Şurasının iclasından sonra bildirib.
Gürcüstan Prezidenti Ermənistan və Azərbaycana gərginliyi azaltmaq, atəşkəsin dayandırılması və dialoqun bərpası çağırışı da edib. O qeyd edib ki, bunda hər üç ölkənin marağı var.
O, regiona sabitliyin, sülhün geri qayıtmasının vacibliyini qeyd edib.
Zurabişvili ATƏT-in Minsk qrupunun həmsədrlərinə də müraciət edib və onun Dağlıq Qarabağ münaqişəsinin nizamlanmasında xüsusi rolunu vurğulayıb: "Biz istənilən danışıqlar üçün Tbilisini meydança etməyə hazırıq. Biz tərəflər üçün məqbul istənilən formata hazırıq".
