BAKI, 3 oktyabr — Sputnik. Azərbaycanlı müğənni Zemfira İbrahimovanın idmançı həyat yoldaşı Anar Heydərov da torpaqlarımızın işğaldan azad olunması uğrunda mübarizəyə yollanıb. Sputnik Azərbaycan xəbər verir ki, müğənni həyat yoldaşının döyüş yoldaşları ilə olan selfisini özünün "Instagram" səhifəsində paylaşaraq bu sözləri yazıb: "Dünyanın ən gözəl selfisi. Allah sizi qorusun! Azərbaycan bayrağı ilə bəzəyək hər yeri".
Qeyd edək ki, sosial şəbəkələrdə Anar Heydərovun əsgərlərimizlə yayılan fotosu izləyicilərin marağına səbəb olub. Hər kəs fotoya xoş sözlər yazaraq sağ-salamat qayıtmağı arzu edib.
