BAKI, 3 oktyabr - Sputnik. Türkiyə Xarici İşlər Naziri Mövlud Çavuşoğlu Azərbaycan Xarici İşlər Naziri Ceyhun Bayramovla telefonla danışıb.
Sputnik Azərbaycan xəbər verir ki, bu barədə Türkiyə XİN-i məlumat yayıb.
Nazirlər telefon söhbətində Dağlıq Qarabağdakı son vəziyyəti müzakirə ediblər.
Qeyd edək ki, sentyabrın 27-də Ermənistan silahlı qüvvələrinin genişmiqyaslı təxribatları nəticəsində Ermənistan-Azərbaycan təmas xəttində atəşkəs rejimi hərbi əməliyyatlarla əvəzlənib. Türkiyə Azərbaycanın yanında yer aldığını və sonadək qardaş ölkəni öz ərazilərinin işğaldan azad edilməsi prosesində dəstəkləyəcəyini bəyan edib. Hərbi əməliyyatların getdiyi son günlərdə iki ölkənin rəhbərliyi, o cümlədən xarici işlər nazirləri arasında intensiv təmaslar həyata keçirilir.
