BAKI, 12 sentyabr — Sputnik. Koronavirus əleyhinə "Sputnik V" peyvəndinin ilk partiyası Rusiyanın bölgələrinə göndərilib.
Sputnik Azərbaycan xəbər verir ki, bu barədə məlumatı Rusiya Səhiyyə Nazirliyinin mətbuat xidməti yayıb.
Rusiya Səhiyyə Nazirliyi avqustun ortalarında koronavirus infeksiyasının qarşısının alınması üçün dünyada ilk vaksini qeydiyyata alıb. Qamaleya adına Epidemiologiya və Mikrobiologiya Milli Tədqiqat Mərkəzində hazırlanmış dərman Rusiyanın Birbaşa İnvestisiyalar Fondu ilə birlikdə istehsal olunur.
Rusiya Səhiyyə Naziri Mixail Muraşkonun bildirdiyi kimi, bu həftə vaksinin klinik araşdırmalarının üçüncü mərhələsi başlayıb.
