BAKI, 27 iyul — Sputnik. Almaniya Rusiyanın "Böyük Yeddilik" formatına qaytarılmasının əleyhinədir. Sputnik Azərbaycan xəbər verir ki, bunu Almaniyanın Xarici İşlər naziri Hayko Maas "Rheinische Post" nəşrinə müsahibəsində bildirib.
Diplomat vurğulayıb ki, Moskvanın qurumdan çıxarılmasına səbəb Rusiyanın Krımı ilhaq etməsi, həmçinin Ukraynadakı vəziyyətdir.
"Hələlik bu məsələ öz həllini tapmayıb, mən Rusiyanın dəvət olunması üçün imkan görmürəm", - deyə Maas qeyd edib.
XİN rəhbəri, həmçinin ABŞ Prezidenti Donald Trampın G7-yə dörd ölkəni – Rusiya, Hindistan, Koreya Respublikası və Avstraliyanı dəvət etmək fikri ilə razılaşmayıb. Maas qeyd edib ki, Berlini qane edən format məhz 7 və 20 ölkədən ibarət olan formatdır.
