BAKI, 28 iyun — Sputnik. Rusiyanın elan servisində Rusiyanın Prezidenti Vladimir Putinin olduğu iddia edilən bəyaz köynək satışa çıxarılıb.
Sputnik Azərbaycan-ın məlumatına görə, satıcı 48–50 (XL) ölçülü köynəyin Nijni Novqoroddakı Sheraton otelində yaddan çıxdığını iddia edir. O deyir ki, köynək otel nömrəsi yığışdırılarkən tapılıb. Köynək tapılandan sonra yuyulmayıb.
Elanın müəllifi köynəyin “ekspertiza”ya göndərilməyinə də razıdır. O, köynəyə 165000 rubl qiymət qoyub.
