BAKI, 19 aprel - Sputnik. Tibb elmləri doktoru, teleaparıcı Yelena Malışeva koronavirusa yoluxmuş şəxslərin müalicə aldığı Federal Tibbi-Bioloji Agentliyin Elmi-kliniki Mərkəzindən video hazırlayaraq Instagram səhifəsində paylaşıb.
Sputnik Azərbaycan RİA Novosti-yə istinadən bildirir ki, video COVID-19 xəstələrinin yerləşdiyi “qırmızı zona”da Malışevanın özü tərəfindən çəkilib, çəkiliş qrupu isə qapı arxasında qalıb.
Kadrlarda pasiyentin reanimasiyası göstərilir: onun ürəyini masaj edir, defibrillyator vasitəsilə yenidən döyünməsinə çalışırlar.
“Ürəyin dayanması bu cür olur”, - videonun titrlərində qeyd olunur.
Son məlumatlara görə, Rusiyanın 85 regionunda 42853 COVID-19-a yoluxma faktı aşkarlanıb. Onlardan 3291 nəfər sağalıb, 361 nəfər isə dünyasını dəyişib.
