BAKI, 25 mart — Sputnik. Moskvada koronavirus təsbit olunmuş iki xəstə dünyasını dəyişib.
Sputnik Azərbaycan bildirir ki, bu barədə Moskvanın xəstəlik üzrə operativ qərargahının Telegram-kanalında bildirilib.
Ölən xəstələrin biri 88, digəri 73 yaşındaymış. Onlara sətəlcəm diaqnozu qoyulmuşdu və xəstəliyin bütün əlamətləri vardı.
Qərargah bir daha xatırladıb ki, yaşlı insanlar və xroniki xəstəlikdən əziyyət çəkənlər mütləq özünütəcridə riayət etməlidirlər.
Koronavirus dünyanın 170-dən çox ölkəsində yayılıb. ÜST-ün son məlumatlarına görə, dünyada bu mərəzə yoluxanların sayı 350 mini ötüb, 16 mindən çox insan dünyasını dəyişib.
Rusiyada 658 adam COVID-19-a yoluxub, onlardan 29-u sağalıb.
