BAKI, 4 mart — Sputnik. Hazırda Rusiya tərəfindən Baltikyanı ölkələr üçün təhdid yoxdur. Sputnik Azərbaycan "RİA Novosti"-yə istinadən xəbər verir ki, bunu Birləşmiş Ştatların ATƏT-dəki daimi nümayəndəsi Ceyms Qilmor bildirib.
Onun sözlərinə görə, Estoniya, Litva və Latviya müəyyən mənada Qərb cəmiyyətinin bir hissəsidir, NATO-ya üzvdürlər və Rusiyanı təhdid etməyən alyansın hərbi təlimlərində iştirak edirlər.
"Biz hazırda bu dövlətlərə hər hansı bir təhdidin olduğunu düşünmürük", - deyə Qilmor vurğulayıb.
