BAKI, 16 dekabr — Sputnik. Rusiya Prezidenti Vladimir Putinin İsrailə səfəri hazırlanır.
Sputnik Azərbaycan "RİA Novosti"-yə istinadən xəbər verir ki, bunu Rusiya prezidentinin mətbuat katibi Dmitri Peskov bildirib.
"Doğrudan da Rusiya prezidentinin səfəri (İsrailə - red.) hazırlanır", - deyə Peskov vurğulayıb.
Rusiya prezidentinin İsraildə amerikalı həmkarı ilə görüşünün planlaşdırılması ilə bağlı sualı cavablandıran Peskov əlavə edib ki, Rusiya tərəfində həmin vaxt ABŞ prezidentinin İsraildə olacağına dair məlumat yoxdur.
